Jeremia 32:23 - KITABU KITAKATIFU

²³ Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 32:23 Iomraidhean Croise

Ezara 9:7

Kutura mu madiku ga vaguuga viitu kuduuka lero, kunyi avandu vovo, kwakora uvwoni vonene ligali. Kigira uvwoni vwitu, kunyi harara na vami viitu kandi avasaalisi viitu kumali kuvikwa mu zinguru zia vami vi vivala vigeni. Kumali kwitwa, kunuurwa kandi kuhilwa ihale kuli avahambe. Kumali kuvikwa mu zisoni ligali kali kuduuka na lero.

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Zaburi 78:10

Sivagumira lilagana liavo na Nyasaye mba; vasuura kuhulira lilago lilie.

Jeremia 2:7

Ndaavaleta mukivala kigunamu, kusangalira ligesa lia cho kandi vindu via cho vilahi. Navuzwa lwa vaza mukivala yiki, ni vakekola kuva hazwa, kandi ni vachononyia, kivala chandaali ndahana kuvo.

Jeremia 26:4

Yahova yambolera mbore ku avandu, “Inzi, Yahova, mali koovola ndi kuduuka mutie inzi nokolonda amigizu gandamuha,

Jeremia 44:10

Navuzwa kuduuka kalunu, ndi, mukikiri kwegehiza aveene mba. Mukikiri kuhaana luyali ku inzi, kandi mukikiri komenya kolondekana na malago goosi ga ndaamuha kandi ga ndahaana ku avaguuga vinyu mba.

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Ezekieli 20:18

Mu vogono yivwo, ndiganihiza vana vaavo mwigendanyama nimbora: mutagumiri amalago ga vaguuga vinyu valomba mba; mutalondi miima jaavo mba, anoho muteyonogonyi ni vifananyi viavo mba.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Luka 17:10

Kandi munyi ndio, lwa muva ni mwakakola ivindu viosi via mwalagwa kokora muvoore, ‘Kunyi koveeye avatugwa avataveeye nuvukara, kokoli vuzwa agakuduukiraa kokole.’ ”

Yohana 15:14

Munyi muveeye avalina vange nimukora vindu via mulagaa.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Yakobo 2:10

Mundu woosi uvunaga lilago lilala, umali kuvunaga amalago goosi.

Joshua 21:43

Kunangwa Yahova yahaana ku vandu va Isiraeli kivala choosi cha yaali niyasuuviriza avaguuga vaavo ku chisuuhu ndi alavaha. Lwa vaali nivakavugula kivala yicho vamenya mu.

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”