Jeremia 32:22 - KITABU KITAKATIFU

²² Ivi wavaha kivala yiki kuli waali ni wisuhira avaguuga vaavo kuvaha kivala cha malova magunamu.

Jeremia 32:22 Iomraidhean Croise

Litanga 13:15

Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 24:7

Yahova, Nyasaye wu Mwigulu yaanduliza hango ha baba wange kandi mukivala cha viko vange, ma niyisuha kovora ndi, alamba kivala yiki kali kuduuka ku visukululwi viange. Alatuma engelosi yeeye imbiri woovo, kunangwa uduuki konyoore lamuyaayi wange mukali.

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Kutwula 13:5

Yahova yasuuviriza ku liesuuha avaguuga vinyu kuha munyi kivala cha vandu va Kanaani, Mori, Hiti, Muhivi, kandi na Jebusi. Lwa amuleeta mukivala chu vutugi, kandi kenoru, kuduuka kenoru, mulindi nukwizuliza lidiku lie Lipasaka ku mweli gwukutanga vuli muhiga.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Kutwula 3:8

Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Jeremia 11:5

Hene yaho, ndaduukiza lilagana lia ndaalomba na avaguuga vaavo ndi: ndakavahe uvutugi kandi kivala kigunamu cha vamenyi mu kalunu.” Inzi Jeremia ndaavoora, “Yee Yahova.”

Ezekieli 20:15

Kandi ndavisuuhira mwigendanyama ndi, sindavahila mu kivala chandaali nindavaha mba, kivala kenoru kandi kigunamu ligali, kivala chaali kilahi ligali kuvita vivala vindi viosi.

Ezekieli 20:6

Ku lidiku yilio lwa ndaavalaga ndi ndavatuliza mu kivala cha Egebeti nu kuvahila mu kivala cha ndaali nimbatovoleye, kivala kenoru kandi kigunamu ligali, kivala chaali kilahi ligali kuvita vivala vindi viosi.

Livalidza 14:16

ndi, ivi umali kwitira vandu vovo mu changalangwi kigira siwanyala ku valeta mu kivala cha walaga ulahaana kuvo mba.

Livalidza 14:30

Ndaamulaga komenya mucho, navuzwa siaveeyeho kali mulala ulimenya mucho nitali Kalebu muyaayi wa Jefune na Joshua muyaayi wa Nuni.

Kwidzulitsa 1:35

‘Sihaveeye ho numulala ku likula lidamanu yili ulingira mu kivala kenoru yicho ichandasuuviriza ndahaana ku avaguuga vinyu mba.

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Kwidzulitsa 6:10

“Kuli Yahova Nyasaye winyu yasuuviriza niliesuuha, ku avaguuga vinyu, Aburahamu, Isaka na Yakobo, alahaana kumunyi kivala keveeye na madaala manene ligali kandi aguvutugi, agamwavula kwumbaka.

Kwidzulitsa 6:18

Mukore aga Yahova avoora gaveeye malungi kandi malahi, na viosi vilava vilahi ku munyi. Mulingira kandi mulavugula kivala kilahi kandi kenoru yicho cha Yahova yasuuviriza avaguuga vinyu;

Kwidzulitsa 6:23

Yakovoholora kutura Egebeti kandi nakoleta hano kandi naakuha kivala yiki kuli yasuuviriza avaguuga viitu.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Joshua 1:6

Ove mugulu kandi muluviliri, kigira ivi ulava mwimiliri wa vandu yava lwa vava nivavugura kivala yiki icha ndasuuviriza avaguuga vaavo ndi ndavaha.

Joshua 21:43

Kunangwa Yahova yahaana ku vandu va Isiraeli kivala choosi cha yaali niyasuuviriza avaguuga vaavo ku chisuuhu ndi alavaha. Lwa vaali nivakavugula kivala yicho vamenya mu.