Jeremia 32:17 - KITABU KITAKATIFU

¹⁷ “Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Jeremia 32:17 Iomraidhean Croise

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

2 Avami 19:15

nasaara, “O, Yahova, Nyasaye wa Isiraeli, wikaye ku endeve yu vwami igulu wi vilombe vivio vie zimbaha, Ivi weng'ine oveeye Nyasaye, wamihaa uvwami vwosi vwi lirova. Walomba ligulu ni lirova.

2 Avami 3:18

Elisha yaazizagilira, “Navuzwa kindu yiki ne kedoto ku Yahova kokora, alamuha kandi vuguuti ku Vamoabu.

Nehemia 9:6

Maku kandi avandu va Isiraeli vasaala lisaala yili: Ivi, Yahova, ivi oveeye Yahova weng'ine; walomba ligulu ni zing'ereng'ani ziu muvwerefu. Ivi walomba lirova nizinyanza na viosi iviveeye mu; wahaana livamwoyo ku viosi. Uvwamihi vwizingulu vwu mwigulu vuinamaa hasi nukusigamira.

Ayubu 42:2

“Inzi manya ndi ivi, Yahova oveeye ni zinguru ligali, ivi unyala kokora vindu viosi viawenyaa.

Zaburi 102:25

Ivi walomba lirova zing'inga zia kale ligali kandi walomba ligulu namakono googo umwene.

Zaburi 136:12

Yaavimilira numukono gwigwe gwizingulu kandi ku vwami vwivwe vwizingulu; kigira uvuyanzi vwivwe vuhindiraa mihiga ni mihiga.

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Isaya 42:5

Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 45:12

Kuzinguru ziange ndaalomba ligulu na viosi viveeye mu lio; liuva, mweli ni zing'ereng'ani. Ndaalomba lirova, kandi ninomba mundu komenya ku lio.

Isaya 59:1

Mutaganagana ndi Yahova aveeye mudedekere ligali kali sianyala kumuhonyia mba, anoho sianyala kuhulira lianira lienyu liukwenya ovokonyi mba.

Jeremia 1:6

Maku ndaavoora, “Ai, Yahova Nyasaye! Henza, inzi si manyi kumoloma mba, kigira mbeeye vuzwa mwana mukekeeke.”

Jeremia 14:13

Maku ndaavoora, “Ai Yahova Nyasaye, ivi umanyi ndi avaporofeti vavoolera avandu ndi, vulwani si vulakaveho mba anoho inzara, kigira ivi umali kuvasuuviriza. Vavoola ndi, umurembe gweng'ine nigwo gulivaho mukivala chietu.”

Jeremia 21:2

“Nuyanza okomolomere ku Yahova, kigira mwami Nebukadineza harara ni liihi lilie vakumbiriza lidaala. Hawundi Yahova alakokolera kilala ku vilolekizu vivie na akole Nebukadineza aleke.”

Jeremia 27:5

“Kuvunyali vwange ovonene kandi kuzingulu ziange ndaalomba kivala, avandu kandi ni zinyama ziosi izimenyi ku lirova; kandi mbanaanga ku mundu woosi wa inzi mwene mali kotovola.

Jeremia 32:27

“Inzi mbeeye Yahova, Nyasaye wa avandu vosi. Keveeyeho ni kindu kinyala kutama inzi?

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Jeremia 4:10

Maku ndavoora, “Yahova Wuvunyali, ivi umali ligali kovehera avandu va Jerusalemi! Umali kovora mirembe jilavaho, navuzwa kivavi kilaviita.”

Jeremia 51:15

Yahova yalomba lirova kuzinguru zizie mwene; Yalomba kivala novogeri vwivwe mwene kandi navambura ligulu.

Jeremia 51:19

Nyasaye wa Yakobo siaveeye kuli yavo mba; niye walomba vuli kindu, kandi umali kotovola Isiraeli kuva vandu veve mwene. Lieta lilie ni Yahova Wuvunyali.

Ezekieli 11:13

Lwa ndaali nemporofetaa, Pelatia yagwa hasi nakuza. Ndaagwa hasi mamumama kandi nimbanzuka nimbora, “Awa Mwami munene Yahova! Uzizaa kwita vuli mundu watigala mu Isiraeli?”

Ezekieli 9:8

Lwa vaali nivazizagilira kwita, inzi ndaahononoka. Ndaagwa hasi mamumama kandi nindira nembora, “Mwami munene Yahova, ivi oveeye nu vutima ligali na vandu va Jerusalemi na uzizaa kwita vuli mundu woosi uwatigala mu Isiraeli?”

Danyeli 2:22

Avuulaa ivindu viveeye musi kandi vievisu; amanyaa viosi viaviswa mu kisundi, naye mwene uvulavu vwa mukumberiza

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Zekaria 12:1

Yili ni likuva kutura ku Yahova kigira Isiraeli, Yahova walomba ligulu ni lirova, kandi wahaana livamwoyo ku mundu avoora,

Zekaria 8:6

“Gaamanya galoleke gokogenyia ku vandu vahononoka mu madiku yaga, si galava gokogenyia ku inzi mba.

Livalidza 11:23

Yahova yativulira Musa, “Zinguru ziange zinyala kogehizwa? Kalunu ulalora aga inzi mali kovora galekoleka anoho galavula kwekoleka!”

Matayo 19:26

Navuzwa Yeso yavahenza navoora, “Ku vandu, likuva yili silinyalika mba, navuzwa ku Nyasaye, ivindu viosi vinyalikaa.”

Marko 10:27

Yeso yavahenza, navavoolera, “Siganyala kunyalika ku avandu mba, navuzwa ku Nyasaye sigaveeye ndio, kigira ku Nyasaye vindu viosi vinyalikaa.”

Luka 1:37

Kigira ku Nyasaye, si keveeye ho kindu ikitanyalikaa mba.”

Luka 18:27

Yeso yamutivulira, “Agatanyalika ku avandu, ganyalika ku Nyasaye.”

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Vikolwa 17:24

“Nyasaye uyu, Mulombi wi lirova ni vindu viosi viveeye mu, aveeye Mwami wi ligulu ni lirova; si amenyaa mu matemberi gumbakwa na avandu.

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”