Jeremia 31:8 - KITABU KITAKATIFU

⁸ Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Jeremia 31:8 Iomraidhean Croise

Zaburi 107:3

kandi umali kumwiranyia kutura muvivala vigeni, Ivugwi kuduuka Imadioli, kandi kutura Ivaale kuduuka Isavaalu.

Zaburi 65:5

O, Nyasaye, ivi ukutivuliranga ku likuha uvuguuti, kandi okolaa vindu viokogenyia okohonyia kunyi. Avandu ku lirova liosi, kandi engereka wi zinyanza zie ihale vasuuvira mu ivi.

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Jeremia 16:15

Nitali valakisuhi ku inzi kuli Nyasaye oveeye mwoyo uwaleeta avandu va Isiraeli kutura mukivala chi Ivaale kandi kutura muvivala vindi viosi viandaali nindavasalanyiramu. Inzi ndakaviranyie mu kivala chavo aveene, mukivala chandaha kuvaguuga vaavo. Inzi Yahova mali kovora.”

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 23:8

Muvogono yivwo, valakisuhi ku inzi kuli Nyasaye oveeye mwoyo waleeta avandu va Isiraeli kutura mukivala cha Ivaale kandi kutura muvivala vindi wandaali nindavasalanya. Maku valakamenye mukivala chavo.”

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 3:12

Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Ezekieli 20:34

Ndamumanyia vutima vwange kandi zinguru ziange lwa muvungiza harara nukumwiranyia kutura muvivala viosi uwa mwaali ni mwasalanyirwa.

Ezekieli 20:41

Inyima wa nambe ni ndakamuleeta kutura muvivala uwandaali nimali kumusalanyira, nu kumuviika harara, ndakavugiliri visiuviliru vienyu via musambaa, kandi ndakamanyie uvutakatifu vwange imbiri winyu hagati hi zihiiri.

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Ezekieli 34:13

Nangatulizi muvivala vigeni, nukugavungiza harara, kandi nangalete mu kivala chago ageene. Ndakagimiliri kuzia mu vigulu kandi mu togera twa Isiraeli kandi na ngayizi mu vwayiru vulahi.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Mika 4:6

Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa;

Zefania 3:19

Ing'inga yiza! Ndakahaane amageri ku vandu vamudambizaa. Ndakasole avalema vosi, kandi ndakilanyie avahambe vosi yengo. Ndakagilung'anye zisoni ziavo kuva luyali, kandi avandu vosi mu kivala valakavizominyi

Zekaria 2:6

Yahova yavolera vandu veve, “Hambi! Mwiluki kutura mu kivala chi Ivaale kigira inzi mali kumusalanyia mu zimbega ziosi zie kivala.

Matayo 12:20

Si alavunanyia ikidundu kimali kulingwa mba, anoho kusiminya itaya imulamula mba. Alazizagilira vugira kuluha kuduuka, lwi likalaga liu vulungi, liguuta,

Yohana 21:15

Lwa vaali nivakamara kulia, Yeso yateeva Simoni petero, “Simoni, mwana wa Yohana! Unyaanzaa kuvita avandi yava?” Petero yamutivulira, “Yee, Mwami; ivi wamanya ndakuyaanza.” Yeso yamuvolera, “Lihiza avana va magondi gange.”

1 Vakorintho 8:10

Niiva mundu oveeye mudedekere mu lisuuvira alalola ivi oveeye mundu wi limanya nulizaa viukulia mu Litembeli lie vifananyi; sialaluvilira kulia viukulia visalisirangwa vifananyi?

Kwidzulitsa 30:4

Kali niiva mwasalanywa ihale ligali kuduuka ku keheri chi zikona zie lirova, Yahova Nyasaye winyu alamuvungiza harara kandi alamwilanyia,

1 Vatesalonike 5:14

Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

Vahebraina 12:12

Kunangwa gingi igulu makono ginyu gamali kuluha kandi mulungikizi amaru ginyu gamali kodedekera.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.