Jeremia 31:22 - KITABU KITAKATIFU

²² Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Jeremia 31:22 Iomraidhean Croise

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 3:4

“Nakalunu mumbolera, ‘Inzi mbeeye baba winyu, kandi mwayinyanza kutura ing'inga yandaali mwana.

Jeremia 3:6

Yahova yambolera mu madiku giliamiiha liumwami Josia, “Ololi aga Isiraeli, mukali utaveeye musuuvirifu oyo akoli? Agirung'ani kutura ku inzi, kandi kukigulu choosi kitambi kandi isi wu musaala muvisi gwosi akoli kuli utaveeye musuuvirifu.

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Jeremia 49:4

Kigira ki munyi avandu vataveeye nilisuvira mwidayaa? Munyi muguutwa. Kigira ki musuuviraa mu zinguru zienyu kandi muvooraa siaveeyeho unyala kogeliza kumwingilira mba?

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Hosea 4:16

Avandu va Isiraeli vaveeye avahindagirizi kuli zing'ombe. Inzi, Yahova nyara kuvalihiza ndi kuli vimeme viamagondi mu vwayiru?

Hosea 8:5

Inzi mbihirirwa igiriki yi ifeza ya avandu vilidaala linene lia Samaria vasigamira. Mbeeye nu vutima navo. Navazizagilira kokora ndio kuduuka ing'inga ki valazizagilira kusigamira vifananyi viavo kuduuka ng'inga ki?

Zekaria 7:11

“Navuzwa vandu vange vasuura kuhulira. Vahaana matu gaavo kuhulira zing'anagani ziavo vavuli kuhulira

Livalidza 16:30

Navuzwa niiva Yahova alakola kindu chokugenyia, ma lirova likunulwi no kuvamira harara ni viavaveeye navio, ma vingili mulirova nivaveeye mwoyo kuzia mukivala cha vakuzu, mulamanya ndi vandu yava vamali kusura Yahova.”

Matayo 1:21

Aliivula umwana muyaayi, na ulamugulika lieta lilie Yeso, kigira uyu nivie ulihonvia avandu veve kutura muuvwoni vwavo.”

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,