Jeremia 31:12 - KITABU KITAKATIFU

¹² Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Jeremia 31:12 Iomraidhean Croise

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Isaya 1:30

Mulaniala kuli musaala, kuli mulimi gwu mundu atasamaa na mazi.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Isaya 52:8

Yavo avalindaa lidaala linene viimba harara kigira uvusangari! Vanyara kolola ni zimoni ziavo aveene, iliirana lia Yahova mu lidaala linene lia Ziyoni.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 60:20

Liuva lienyu si lilayeera mba, anoho mweli gwinyu si gulatulaho mba; Inzi Yahova ndava uvulavu vwinyu mihiga ni mihiga, kandi amadiku gi lisioma lienyu galaduuka ku keheri.

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 31:24

Avandu valakamenye Ivuyuda kandi mu madaala gayo, kandi avalimi valakaveyo harara navayi niviayo viavo.

Jeremia 31:25

Inzi ndakahane zinguru kuyavo avaliva nivaluhi kandi ndakigutizi vuli mundu uliva mudedekere kigira inzara.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 31:6

Yee, ing'inga yiza lwa avasikari valakalangiliri ku vigulu via Efuraimu, ‘Gendi kuzie Ziyoni, ku Yahova Nyasaye wiitu.’ ”

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Jeremia 32:15

Yahova Wuvunyali, Nyasaye wa avandu va Isiraeli, umali kovora ndi, zinyumba, milimi kandi vizabibu vilagulwa kandi mukivala yiki.”

Jeremia 33:12

Yahova Wuvunyali Vwosi avoora, “Mukivala yiki, ekeveeye kuli ichangalangwi, havundu ha avandu anoho zinyama zitamenyi, kilava kandi uvwayiru vwosi, havundu ha avayi navahile iviayo viavo.

Jeremia 33:13

Mu madaala gaveeye mu kivala chi vigulu, kandi mu madaala ga Shefela, kandi mu madaala ga Negebu, mukivala cha Benjamini, mu madaala ga Jerusalemi kandi madaala gi Ivuyuda, avayi valavaliza iviayo viavo vinyingi. Inzi Yahova mali kovora.”

Ezekieli 17:23

Ndagusimika kukigulu cha Isiraeli kitambi ligali. Gulasivuka zisia kandi gulama makuyu gulava mudaragwa mulahi ligali. Zinyama zing'ano ziosi zilamenya isi wagwo, kandi amanyonyi zing'ano ziosi zilalomba zinyumba mu zisia ziagwo.

Ezekieli 20:40

Mu kivala yicho, ku kiguru change kitakatifu, kiguru cha Isiraeli kitambi, munyi mwosi avandu va Isiraeli mulakasigamiri. Ndakamuvugiliri kandi ndaakayanzwi ni munyi koleta ku Inzi visiuviliru vienyu, Isadaka yinyu indahi ligali kandi vihaanwa vienyu vitakatifu.

Ezekieli 34:14

Nangakole nagaye mu lisoolwa mu vulimu vwu mu kiguru kandi mu mavoona nu muvwayiru vwosi vulahi vwi kivala cha Isiraeli.

Ezekieli 36:30

Ndakameeda liama lie misaala ja makuyu kandi ni milimi jinyu, kunangwa inzara silivaho ilimukola kuva nizisoni hagati hi zihiiri mba.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Haggai 2:19

Kali niiva si koveeye nu vuswage vutigaye, kandi amakuyu, mizabibu, mukomanga, kandi misaala ja muzeituni gitatulizaa makuyu, navuzwa kutura kalunu kuzizagilira, ndamugasiza.”

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Yohana 16:22

Munyi kandi muveeye novovereri kalunu; navuzwa ndakavalole kandi, na munyi mulizula vusangali mu mioyo jinyu, nu vusangali vwinyu vwene yivwo sihaveeyeho numundu ulivutuliza ku munyi mba.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”