Jeremia 31:11 - KITABU KITAKATIFU

¹¹ Inzi mali kovoholora avandu va Isiraeli kandi mali kuvahonyia kutura ku ihiiri yi zinguru.

Jeremia 31:11 Iomraidhean Croise

Zaburi 142:6

Huliriza ku lianira liange liukwenya ovokonyi, zinguru ziange zimali kogeeha ligali; Ombonyie kutura ku vasigu vange, vaveeye ni zinguru ligali kuvita inzi.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 49:24

Munyala kunyaga musikari muluviliri ivilanye vivie? Anoho munyala kosoola avahambe kutura ku mundu oveeye mululu kandi wi zinguru ligali?

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Jeremia 15:21

Ndakosoora kutura kuzinguru zia vachamu kandi avandu vikirage. Inzi Yahova mali kovora.”

Jeremia 50:33

Yahova Wuvunyali avoora, “Avandu va Isiraeli na vandu vi Vuyuda vadambizwa. Vosi avavagumila vavalinda vudinyu ligali kandi sivanyala kuvavoholola mba.

Jeremia 50:34

Navuzwa mulala uwaza avasoole aveeye nizinguru wi lieta lilie liveeye Yahova Wuvunyali. Mwene alavakolera kekolwa nokoleta milembe ku kivala, navuzwa uvudinyu vulava ku vandu va Babiloni.”

Lisyoma lya Jeremia 3:58

“O, Yahova, ivi waza kosoola, kandi nohonyia livamwoyo liange.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Zekaria 9:16

Lwi lidiku yilio lilakaduuki, Yahova alakahonyie avandu veve, kuli mwayi ahonyia chayo chiche kutura mu vuhimwa. Valakang'ereng'ane mu kivala chiche, kuli magina guvuguli gavikiywi ku itaji.

Matayo 12:29

“Anoho umundu anyala ndi kwingira munyumba yu mundu wundi wi zinguru nukumunyaga vindu vivie, naatatangi kovoha wi zinguru oyo kunangwa anyale limunyaga ivindu vivie zana?

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 22:29

Yeso yavativulira, “Agiligali munyi muveeye avadamanu, kigira si mumanyi Mang'oda Matakatifu, anoho zinguru zia Nyasaye mba.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.