Jeremia 30:8 - KITABU KITAKATIFU

⁸ Yahova Wuvunyali avoora: “Lwa lidiku yilio liliduuka, inzi ndakavunanye iniira eveeye kumagoti gaavo, kandi ndakatulizi minyororo jayo, sivaliva avatugwa vavageni kandi mba.

Jeremia 30:8 Iomraidhean Croise

Zaburi 107:14

Yahova yavatuliza mu kisundi kenene kandi mu chiriri chi likuza, kandi nakalanyia minyororo javavohaa.

Isaya 10:27

Lwa ing'inga yeyo iduuka, ndamuvoholora kutura ku zinguru zia vandu va Siria, na iniira yaavo silava nuvuliduhu ku mavega ginyu mba.”

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 14:3

Yahova alasosiza avandu va Isiraeli kutura ku vusaliri nu vuzunu vwavo, kandi kutura ku miyinzi midinyu javanigirwa kokora.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 27:2

nzelombere iniira yu musaala kandi mugoye gwo lokova ma nziviki ku ligoti liange.

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Jeremia 28:10

Maku muporofeti Hanania yavugula iniira yu mwami nagituliza ku ligoti liange, kandi nagivunanyia mu vidonye;

Jeremia 28:13

nzie na mbolere Hanania: “Yahova avoora ndi, unyala kuvunanyia iniira yu musaala, navuzwa alalomba iniira yi kivia mu vogono vwayo.

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Ezekieli 30:18

Kisundi kilakakuniki Tahapanesi lwa ndakakole avandu va Egebeti kuva vugira zinguru kandi nokoheliza zinguru ziavakola kuva niligingira. Kisundi nakikuniki Egebeti, kandi avandu vamadaala gacho vosi navahilwi muvuhambe.

Ezekieli 34:27

Misaala jilakame makuyu, milimi jilakame vitagwa, kandi vuli mundu alakamenye mu mirembe mu kivala chiche mwene. Lwa nambunanye minyororo ja vandu vange nu kuvavoholola kutura ku yavo avavakola avatugwa, maku navamanye ndi, Inzi mbeeye Yahova.

Nahum 1:13

Kalunu ndaheriza zinguru zia vandu va Siria ku munyi, kandi ndatuliza ku munyi vuliduhu vwavo.”