Jeremia 30:7 - KITABU KITAKATIFU

⁷ Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 30:7 Iomraidhean Croise

Litanga 32:7

Maku Yakobo yaali nuvuti vonene ligali, kandi yahenda mwoyo nagavuranya avandu va yaali navo mu viduma viviri; Kandi yaagavuranya viayo vie zing'ombe, magondi, zimburi kandi zing'amia mu viduma viviri.

Zaburi 25:22

O, Nyasaye, ohonyie avandu vovo Isiraeli, kutura mu vudinyu vwavo vosi.

Zaburi 34:19

Avandu valungi vaveeye nu vusaliri vunyingi vwu vudinyu vwavo, navuzwa Yahova avahonyia kuvudinyu yivo vwosi.

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Jeremia 14:8

Ivi wengine oveeye lisuuvirizwa lia avandu va Isiraeli, niivi wengine ohonyia kunyi kutura mu kivi. Kigira ki oveeye kuli mugeni mu kivala chietu, kandi kuli mundu oveeye kologendo uwenyaa hokogona ku vudiku vulala vweng'ine?

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 2:28

“Vaveeye haliha avanyasaye vamwelombera aveene? Leki vaze vamuhonyie ing'inga ya muveeye mu vudinyu. O, munyi avandu vi Ivuyuda, muveeye na avanyasaye avanyingi kuli amadara manene ga muveeye nago.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Lisyoma lya Jeremia 1:12

Vavoolera vuli mundu woosi uvitira ahimbi navo ndi, “Muhenze kunyi!” Siaveeye ho nu mundu uwanyola uvusaliri kuli uvwitu mba, uvusaliri vwa Yahova yaleeta ku kunyi mu ing'inga yu vutima vwivwe.

Lisyoma lya Jeremia 2:13

O, munyi avandu va Jerusalemi, inzi nyara kovora ki ku munyi? Nyara kumufananyia na kindiki? O, munyi avandu va Ziyoni, inzi nyara kumuleng'anyia na kindiki kunangwa nduuki kumuleminya mwoyo? Lidivizwa lienyu liveeye linene ligali kuli inyanza nene. Nivwaha unyala kumuhonyia?

Lisyoma lya Jeremia 4:6

Avandu vange vamali konyoora amageri manene kuvita mageri ga vandu va Sodoma vanyoola, lidaala liadivizwa ku ing'inga engekeeke ku vunyali vwa Nyasaye.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Danyeli 9:12

Wakola agawavoola ulakola ku kunyi kandi ku vamiihi viitu. Wahaana mageri amalulu ligali ku lidaala lia Jerusalemi kuvita madaala gandi goosi mu lirova,

Hosea 1:11

Avandu va Isiraeli kandi avandu vi Ivuyuda valakahambane harara. Valaketovolere aveene mwimiliri mulala, kandi valazizagilira konyoora uvutugi mu kivala chavo aveene. Yee, Lidiku lia Jezireeli lilava linene ligali!

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Joeli 1:2

Muhuliri, munyi avandu vakulundu; avandu vosi vi Ivuyuda, huliri. Kindu kuli yiki chayekolekaku mu ing'inga yinyu, anoho ing'inga ya avaguuga vinyu?

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Mika 4:9

Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza?

Habakuk 3:16

Lwa mbulira yaga goosi, ndegeraa ligali, minwa jange jidegeraa nu vuti. Muviri gwange gwatanga kuguunda kandi ndikigitara vilenge viange. Ndaalindilira galaha ku ing'inga iduuki, lwa Nyasaye ahaanaa mageri ku vandu vakwingilira.

Zekaria 14:7

anoho kisundi mba. Muvasu gulakave ho ing'inga yoosi kali ing'inga yu vudiku. Yahova weng'ine niye umanyi lwa yaga galakekoleke.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Marko 13:19

Kigira mu madiku yago, kulakave nikivi ekenene kikikiri kuva ho kutura Nyasaye nalomba ilirova kuduuka lero, na ikivi kuli yiki sikilakaveho kandi mba.

Vikolwa 2:20

liuva lilava kisundi, na umweli gulava mwakanyu kuli amasahi; lidiku linene liu vukumi vwa Nyasaye nilikikiri kuduuka.

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”