Jeremia 30:3 - KITABU KITAKATIFU

³ kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 30:3 Iomraidhean Croise

Ezara 3:1

Ku mweli gwa saba lwa vaali nivakidikira kutura mu lihaminywa vandu va Isiraeli vosi vaali nivamenyi mu madaala gaavo. Maku vosi vavuganira Jerusalemi,

Ezara 3:12

Avanyingi ku avasaalisi vakulundu, avandu vinyumba ya Levi, kandi aviimiliri vizihiiri vaali nivalora Litembeli liukutanga. Maku lwavaalora musingi gwi Litembeli yili niguvikwa, vaalira nivasioma. Navuzwa avandi vaaliho vahanzuka nuvuyanzi.

Ezara 3:8

Kunangwa mu mweli gwakaviri ku muhiga gwakaviri inyima wa avandu vaali nivakilana kutura Babiloni, vatanga kwumbaka vuhia Litembeli lia Yahova. Zerubabeli mwana wa Sheyalitieli, Joshua mwana wa Jozadaka, avasaalisi, avandu vihiiri ya Levi, kandi vuli umundu woosi uwaali niyakirana yaatanga kokora miyinzi. Vatovora vandu vinyumba ya Levi avaari ni mihiga 20 kuzia igulu kuva avanene vimiyinzi jukwumbaka vuhia Litembeli.

Zaburi 126:4

O, Yahova, ukwiranyie mu kivala chietu, kuli imbura yiranyia amazi mu migera jakama.

Zaburi 53:6

Inzi ndakayanzi ndi uvuguuti kutura Ziyoni kuzia ku avandu va Isiraeli. Vulakave vusangali ki ku vandu va Isiraeli, lwa Nyasaye alivalomba kuva nu vutugi kandi!

Jeremia 16:15

Nitali valakisuhi ku inzi kuli Nyasaye oveeye mwoyo uwaleeta avandu va Isiraeli kutura mukivala chi Ivaale kandi kutura muvivala vindi viosi viandaali nindavasalanyiramu. Inzi ndakaviranyie mu kivala chavo aveene, mukivala chandaha kuvaguuga vaavo. Inzi Yahova mali kovora.”

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 27:11

Navuzwa niiva ihiiri yoosi ilatia nu kwegehiza imbiri wu mwami wa Babiloni, kandi kumutumikira, maku ndavavugilira vamenye mukivala chavo aveene, kandi valimi milimi jaavo. Inzi Yahova mali kovora.”

Jeremia 27:22

Vilavugulwa na vilahirwa Babiloni na vilavayo kuduuka lwa ndiganagana kuvio. Maku ndavilanyia kandi ndaviviika havundu hano. Inzi Yahova mali kovora.”

Jeremia 29:10

“Yahova avoora, ‘Lwi mihiga 70 jimalirika ni muveeye mu Babiloni, ndaaza kumugeniha kandi ndaduukiza lilagana liange ku munyi na ndamwilanyia mu kivala cha Isiraeli.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 30:4

Yaga na makuva ga Yahova yamoloma kolondekana na Isiraeli ni Ivuyuda:

Jeremia 31:16

Mulekere lilira kandi mweye amaliga ginyu. Goosi agamumali kokolera avana vinyu kuduuka namuhevwe amadanyi; navirane kutura mukivala chumusigu.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Jeremia 31:27

“Inzi, Yahova, mboraa ndi ing'inga yiza lwandikora kivala cha Isiraeli ni Ivuyuda kwizura mu na avandu nizinyama.

Jeremia 31:31

Yahova avoora, “Ing'inga yiza lwa ndilomba lilagana liange lihia navandu va Isiraeli kandi navandu vi Ivuyuda.

Jeremia 31:38

Yahova avoora, “Ing'inga yiza, lwa Jerusalemi yoosi lilakumbakwe vuhia kuli lidaala liange, kutura ku munara gwa Hananeli kuduuka ku kirivwa chu mukoona.

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 32:44

Avandu valagula milimi yiji, na ligulana liajo lilang'odwa nu kuviikaku mukono, kandi nu kumiinaku muhuri, imbiri wa avaloli. Yaga galakoleka mu kivala cha Benjamini, mu Jerusalemi kandi mu madaala gi Ivuyuda, mu madaala gi kivala chi vigulu, mu madaala ga Shefela, mu madaala ga Negebu. Ndilanyia avandu kutura mukivala chi liadikizwa, na ndavilanyia mukivala chavo. Inzi Yahova mali kovora.”

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Jeremia 51:60

Inzi Jeremia ndaang'oda mu karatasi ilingiywi uvudamanu vwosi uvwaza vuduuki mukivala cha Babiloni, kandi vindu viosi iviang'odwa kigira Babiloni.

Ezekieli 20:42

Lwa ndakamwiranye mu kivala cha Isiraeli, ichandisuuha kuhaana ku vaguuga vinyu, mulakamanye ndi Inzi mbeeye Yahova.

Ezekieli 34:13

Nangatulizi muvivala vigeni, nukugavungiza harara, kandi nangalete mu kivala chago ageene. Ndakagimiliri kuzia mu vigulu kandi mu togera twa Isiraeli kandi na ngayizi mu vwayiru vulahi.

Ezekieli 36:24

Ndamuvugura kutura mu zihiiri, kandi ndamuvungiza kutura muvivala viosi, nukumuleeta mu kivala chienyu aveene.

Ezekieli 47:14

Ndisuhira avaguuga vinyu ndi, ndakavahe miandu ji kivala yiki. Kulwayago, kalunu mulagavulane mundu sa mulala anyoore kidieli keleng'ani.

Joeli 3:1

Yahova avoora, “Mu ing'inga yeyo ndiranyia vutugi vwi Ivuyuda na Jerusalemi.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Zefania 3:20

Ing'inga yiza! Lwa ndakilanyie yengo avandu vinyu vosi avasalanywa; Ndakamukole kumanyikana mu kivala choosi, kandi ndakamukole konyoora miandu.” Yahova umali kovora.

Luka 17:22

Maku yavolera aviigi veve, “Amadiku gaaza lwa muliegomba kolola lidiku lilala ku madiku gu Mwana wa Adamu, navuzwa simulililola mba.

Luka 19:43

Ing'inga ilaaza ku munyi lwa vasigu vinyu valimukumbiriza nulugaga, kandi valamwigalira nukumwingilira kutura muzimbega ziosi.

Luka 21:6

“Ku vindu via muloraa hano yivi, ing'inga ilakaduuki lwi ligina kali lilala, lilivula kutigala havundu halio goosi galakagwi hasi.”

Kwidzulitsa 30:3

maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.

Kwidzulitsa 30:5

kunangwa muduuki kuvugura kivala cha avaguuga vinyu vamenya mu maziambiri. Kandi alamukola muve vanyingi ligali kuvita avaguuga vinyu.

Vahebraina 8:8

Navuzwa Nyasaye yanyoora vudamanu mu vandu veve lwa yavoola, “Heenzi, amadiku gaaza, Mwami avoora, lwa ndilomba lilagana lihia na vandu va Isiraeli kandi na vandu va Yuda.