Jeremia 30:15 - KITABU KITAKATIFU

¹⁵ Mutililira kandi kigira zingwagu zienyu mba; ovohonyi si voveeyeho ku munyi mba. Inzi ndaamuha mageri kuli ndio, kigira vwoni vwinyu voveeye vunyingi; kandi uvuchamu vwinyu voveeye vonene.

Jeremia 30:15 Iomraidhean Croise

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Ayubu 34:6

Kali nimbeeye mulungi, mbalizangwa kuva umuvehi; kali nindaveeye nuvwoni ingwago yange sieveeye inyala kohona mba.”

Zaburi 107:17

Avalala kuvo vaali avasiru kigira uvwoni vwavo, kandi vasaalira ligali kigira uvudamanu vwavo.

Isaya 1:6

Kutura ku mitwi kuduuka ku virenge, sihaveeye ho nahavundu ahalamu ku miviri jinyu mba. Munyi mwizuyi zing'oma nuvukinduki nuvuvuni. Zingwagu zienyu siziogiziiywi anoho kovohelerwa mba. Amaguta sigavakiywi muzigwagu zienyu mba.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 15:18

Kigira ki inzi nzizagiliranga kusalira? Kigira ki zingwagu ziange sizinyala kohonywa? Kigira ki ziasula kohona? Ivi otovooye ligali kokora inzi kuva nu vutima kuli umugera gwa mazi ugukamanga zing'inga ziu mbasu?”

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 30:12

Yahova avolera avandu veve, “Zingwago zienyu sizinyala kohona mba, zingwagu zienyu sizinyala kohona mba.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 46:11

Avandu va Egebeti muzie Gileadi na muhenze zinyasi! Zinyasi zienyu ziosi ziveeye vuzwa; kivulaho kindu kinyala kumuhonyia.

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Lisyoma lya Jeremia 2:13

O, munyi avandu va Jerusalemi, inzi nyara kovora ki ku munyi? Nyara kumufananyia na kindiki? O, munyi avandu va Ziyoni, inzi nyara kumuleng'anyia na kindiki kunangwa nduuki kumuleminya mwoyo? Lidivizwa lienyu liveeye linene ligali kuli inyanza nene. Nivwaha unyala kumuhonyia?

Lisyoma lya Jeremia 3:39

Kigira ki umundu oveeye mwoyo yilirira lwa ahevwa amageri kigira uvwoni vwivwe?

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Mika 1:9

Zingwago zia vandu vi lidaala linene lia Samaria sizilahona mba, kandi kivala cha vandu vi Ivuyuda keveeye ahimbi konyoora maduywa kuli ge lidaala linene lia Samaria; lidivizwa liduuki ku virivwa vie lidaala linene lia Jerusalemi liene, wa vandu vange vamenyi.”

Mika 7:9

Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.

Nahum 3:19

Avulaho mundu unyala kohonyia lisalirizwa lienyu, kandi zingwagu zienyu sizinyala kohona mba. Avandu vosi avahulira makuva kigira lidivizwa lienyu, vakubagaa makono gaavo ni vasangara. Siaveeyeho numundu wahononoka kutura mu vusaliri yivu vutaveeye ne keheri mba.