Jeremia 30:14 - KITABU KITAKATIFU

¹⁴ Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 30:14 Iomraidhean Croise

Ayubu 16:9

Umali kundunyira nu kundandulanyia kuli inyama yu muvulimu; udedeyizi amiinu googo ku inzi, na musigu wange yaanzumiki ligali. Vahambani harara kunyingilira.

Ayubu 19:11

Nyasaye umali kuviika uvutima vwivwe ku inzi, kandi umbalizi kuva kuli musigu weve.

Ayubu 30:21

Ivi umali kugirung'ana nukuva mululu ku inzi, mu zinguru zizio zinene, udambizi ligali.

Zaburi 107:17

Avalala kuvo vaali avasiru kigira uvwoni vwavo, kandi vasaalira ligali kigira uvudamanu vwavo.

Isaya 57:13

Lwa muliraa kwenya ovokonyi, muleke ivifananyi vienyu yivio vimuhonyie! Imbuza ilavihuuza vizie ihale! Navuzwa yavo avasuuviraa mu inzi valamenya mukivala kandi valasigamira inzi mu Litembeli liange.”

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 22:20

Avandu va Jerusalemi, muzie ku kiguru cha Lebanoni na muhanzuki; muzie mukivala cha Bashani na muliri. Mwaniri kutura ku vigulu via Moabu, kigira avakonyi vinyu vosi vamali kuguutwa.

Jeremia 22:22

Imbuza ilahuuza avayi vinyu, avalina vinyu valahirwa kuli avahambe vi liihi, na lidaala lienyu linene lilava mu zisoni kigira uvwoni vwosi vwa mumali kokora.

Jeremia 30:15

Mutililira kandi kigira zingwagu zienyu mba; ovohonyi si voveeyeho ku munyi mba. Inzi ndaamuha mageri kuli ndio, kigira vwoni vwinyu voveeye vunyingi; kandi uvuchamu vwinyu voveeye vonene.

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Jeremia 32:30

Avandu va Isiraeli kandi avandu vi Ivuyuda vamali kokora uvudamanu imbiri wange kutura mu vosooleri vwavo. Avandu va Isiraeli vamali kumbihiliriza kumiyinzi jaavo.

Jeremia 32:34

Kali vaviika vifwananyi viavo viu kuvihiliriza mu Litembeli liumbakwa kigira lisigamira, kandi vamali kuliononyia.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 38:22

Mu malola yaga, ndaalora avakali vosi avatigara munyumba yu vwami vwi Ivuyuda nivahilwa ku mwami wa avanene va Babiloni. Huliriza ku agavavoola lwa vaali ni vazizaa: ‘Avalina vu mwami avasuuvirifu vamali kumugada, vamali kumuguuta nu kumwamiiha. Kalunu umali kusikira mu vodohi, avalina veve vamali kumuleka.’ ”

Jeremia 4:30

Avandu va Jerusalemi, mwadiva! Kigira ki mwivika zinguvu zinzakanyu? Kigira ki mwisiaha viukwisiaha viizahabu nukuvaka mu zimoni zienyu? Mwekora munyi aveene kuva avalahi vugira kindu! Avanyasaye vinyu vamusuuri kandi venya kumwita.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Jeremia 50:42

Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Jeremia 6:23

Vavuguyi uvuta na amatimu; vaveeye avalulu kandi sivaveeye nizimbavasi mba. Vahulirika kuli inyanza ihuuma lwahiraa zibarasi ziavo. Vazaa kuli avasaza muliihi nivalohizi kwingiira munyi, O, avandu va Jerusalemi.”

Lisyoma lya Jeremia 1:19

“Kwanira ku valina viitu kigira ovokonyi, navuzwa vaakugaada. Avasaalisi kandi avakulundu vakuzira mu zinzira zie lidaala linene, lwa vaali nivahenza chukulia vaduuki kuva mwoyo.

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Lisyoma lya Jeremia 2:1

Yahova amali yakunika avandu va Jerusalemi ni kisundi mu vutima vwivwe. Yaagirung'anyi uvukumi vwa Jerusalemi kugwa mang'anye kulirova. Si yizuliza Litembeli lilie lidiku liu vutima vwivwe mba.

Ezekieli 23:22

“Kulwayago Oholiba, yaga nigo aga Inzi Yahova Wuvunyali nziza kokora ku ivi. Ndakora avayaanze vovo avuwaagirung'ana kutura kuvo mu livihirirwa vakwingiliri. Ndavaleta vakwingiliri kutura ku zimbega ziosi.

Ezekieli 23:9

Kunangwa ndamuviika muvunyali vwa vandu va Siria, avayaanze veve avayaakolaa navo uvulaya.

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Hosea 2:5

Mama wavo yakola ovoheyi, kandi yaavavereka mu zisoni. Yavoola, “Inzi ndazia kuvasaza vange, avambezaa viukulia kandi amazi, uvwoya vwa magondi kandi zinguvu, amaguta kandi Iwaini yange.”

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Obadia 1:7

Avandu vamuhambanaa navo vosi vamali kumugaada; vamali kumukunga kutura mu kivala chiinyu. Avandu vaali ni mirembe ni munyi vamali kumuguuta. Avalina vamwasuuvira kandi ni mulia harara navo, vamali kotega mutego kumunyi vavoola kumunyi, ‘Limanya liosi liamwali nalio liveeye haliha?’