Jeremia 30:13 - KITABU KITAKATIFU

¹³ Umundu avulaho kali mulala unyala ku umulinda, runyasi lwizingwagu zienyu luvulaho, lisuuvira kigira ovohonyi ku munyi si liveeyeho mba.

Jeremia 30:13 Iomraidhean Croise

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Ayubu 5:18

Nyasaye yaataa zing'oma, navuzwa kandi avoheleraa zing'oma zana. Asaliriza, navuzwa ahonyia kandi.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Isaya 1:6

Kutura ku mitwi kuduuka ku virenge, sihaveeye ho nahavundu ahalamu ku miviri jinyu mba. Munyi mwizuyi zing'oma nuvukinduki nuvuvuni. Zingwagu zienyu siziogiziiywi anoho kovohelerwa mba. Amaguta sigavakiywi muzigwagu zienyu mba.

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 17:14

O, Yahova, ombonyie na ndahona ligali; osoore na inzi ndahona ligali. Ivi niye wa inzi nzizominyanga!

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Jeremia 46:11

Avandu va Egebeti muzie Gileadi na muhenze zinyasi! Zinyasi zienyu ziosi ziveeye vuzwa; kivulaho kindu kinyala kumuhonyia.

Jeremia 6:7

Kuli kidaho kilinda mazi gacho vulahi, nindio avandu va Jerusalemi valinda uvudamanu vwavo vulahi. Mbulira kilage ligali niliononyia mu lidaala; ndolaa uvulwaye nizingwagu.

Jeremia 8:22

Lunyasi luvulaho mu Gileadi? Avaahi vi zinyasi vavulayo? Kigira ki avandu vange sivanyooye lihona mba?

Lisyoma lya Jeremia 2:13

O, munyi avandu va Jerusalemi, inzi nyara kovora ki ku munyi? Nyara kumufananyia na kindiki? O, munyi avandu va Ziyoni, inzi nyara kumuleng'anyia na kindiki kunangwa nduuki kumuleminya mwoyo? Lidivizwa lienyu liveeye linene ligali kuli inyanza nene. Nivwaha unyala kumuhonyia?

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Ezekieli 30:21

Yavoola, “Mwana wu Mundu, mali kuvunanyia mukono gwu mwami wa Egebeti. Siaveeyeho nu mundu wagovohelera ni zibendegi anoho kuguviika lukanda, kunangwa guduuki kohona kandi gove nizinguru kugumira kivavi mba.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Nahum 3:19

Avulaho mundu unyala kohonyia lisalirizwa lienyu, kandi zingwagu zienyu sizinyala kohona mba. Avandu vosi avahulira makuva kigira lidivizwa lienyu, vakubagaa makono gaavo ni vasangara. Siaveeyeho numundu wahononoka kutura mu vusaliri yivu vutaveeye ne keheri mba.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.