Jeremia 30:10 - KITABU KITAKATIFU

¹⁰ “Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:10 Iomraidhean Croise

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Isaya 14:3

Yahova alasosiza avandu va Isiraeli kutura ku vusaliri nu vuzunu vwavo, kandi kutura ku miyinzi midinyu javanigirwa kokora.

Isaya 35:9

Zisimba si zilakave havundu yaho mba; zinyama zinduru si zilavitira kunzira yeyo mba. Yavo ava Yahova yasoola, nivo avaligenda kunzira yeyo nukuzia yengo.

Isaya 43:5

Mutatia mba kigira inzi mbeeye harara nimunyi! “Ndaleta kisukururwi chienyu kutura Ivugwi kandi ndamuvungiza harara kutura Imadioli.

Isaya 44:1

Yahova avoora, “Huliriza kalunu, O, Isiraeli, vatumikiri vange, avandu vange vatovole, visukululwi via Yakobo.

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 46:11

Ndalaanga mwami Sairasi kutura Ivugwi mu kivala cha Pasia, alaza kuli iliive, kandi alatwekiza goosi agandalohiza kokora. Inzi mali kovora kandi galakoleka.

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 23:4

Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 23:8

Muvogono yivwo, valakisuhi ku inzi kuli Nyasaye oveeye mwoyo waleeta avandu va Isiraeli kutura mukivala cha Ivaale kandi kutura muvivala vindi wandaali nindavasalanya. Maku valakamenye mukivala chavo.”

Jeremia 29:11

Inzi manyirizi ligali lilohiza liange ku munyi, lilohiza lie zing'anagani zindahi, zitaveeye zindamanu mba; lilohiza liu kuhaana ligasizwa kandi lisuuvirizwa mu ing'inga yizaa.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Ezekieli 16:52

Kandi kalunu ivi ulava muzisoni ligali. Avakaana vinyu vafana avataveeye nimbala lwavaveeye ahimbi nivi, kigira uvwoni vuvwo voveeye vudamanu ligali kuvita vwavo. Kalunu odegere kandi ove muzisoni, kigira okolaa avakaana vinyu kufana avalahi.”

Ezekieli 38:11

Notovole kwingilira kivala kitinyaliza wa vandu vamenyi mu mirembe kandi mulikingwa, mu madaala gataveeye na madigi kandi vugira likingwa.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Hosea 6:11

“Na munyi avandu vi Ivuyuda, mali kulaga ing'inga yukuhaana mageri ku munyi kigira vikolwa vinyu vidamanu via mukoraa.

Joeli 2:21

“Milimi, mutatia mba, navuzwa musangare kandi muyanze kigira goosi aga Yahova amali kumukolera.

Mika 4:9

Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza?

Zekaria 3:10

Mu lidiku yilio, mundu sa mulala kumunyi alakagenihizi mutende weve muchiriri chu muzabibu gwigwe kandi mu chiriri chu musaala gwu mukuyu gwigwe.”

Yohana 12:15

“Utatia mba, lidaala lia Jerusalemi! Henza, Mwami woovo yaazaa, yikaye ku kemoli chisukiri.”