Jeremia 3:9 - KITABU KITAKATIFU

⁹ kandi siyalolaku zisoni mba. Yononyia kivala navula kuva musuuvirifu, nasigamira amagina ni misaala.

Jeremia 3:9 Iomraidhean Croise

Isaya 57:3

Hambi hano na mukalagirwi munyi avoni! Munyi simuveeye valahi kuvita avasigitiri, avaheyi namalaya mba.

Isaya 57:6

Muvuguraa magina materere kutura mu mugera yigwo nukugasigamira kuli avanyasaye. Muzukaa iwaini kugo kuli kihanwa nukugaleetera vihaanwa viu vuswage. Muganaganaa nyanzizangwa ni vindu yivi viosi?

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 2:7

Ndaavaleta mukivala kigunamu, kusangalira ligesa lia cho kandi vindu via cho vilahi. Navuzwa lwa vaza mukivala yiki, ni vakekola kuva hazwa, kandi ni vachononyia, kivala chandaali ndahana kuvo.

Jeremia 3:2

Henza kuzindongozi zivigulu. Haveeye kuho nahavundu handi hamukikiri kuva avasuuvirifu? Mulindiliraa avayaanze kunzira kuli Muharabu alindiliraa avasigu muchangalangwe. Mumali kwononyia kivala nukuvula kuva avasuuvirifu.

Ezekieli 16:17

Munyi kandi mwavugula magina guvuguli agandamuha, agalombwa ku ifeza nizahabu, ma nimwelombera vifananyi visaza kandi nimukora ovoheyi navio.

Ezekieli 23:10

Vamutuliza zinguvu natigala chahonyo, nivavugura vana veve avakaana na vayaayi, maku nivamwita ni kivavi. Avakali vandi vaamoloma havundu hoosi ku agaali nigekoleki ku Ohola.

Ezekieli 23:21

Oholiba, ivi wenya kwiranira uvudamanu vwa wakola nukikiri mukaana musoleri mu kivala cha Egebeti; uwa vasaza vaakora uvulaya niivi kandi nivakwonogonya.

Ezekieli 23:3

Lwa vaali nivakikiri avasoleri, nivamenyi mu kivala cha Egebeti, vonogonyia uvugima vwavo kandi nivagwa malaya.

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Hosea 4:12

Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.

Joeli 1:19

O, Yahova, nzanira ku ivi, kigira vwayiru kandi misaala jaakwuma, kuli umuliru gwavisamba.

Habakuk 2:19

O, vayaayi, munyi mwalaamwa kigira, muvooleraa kifananyi kitamolomaa chalombwa ku lubaho ni ligina: “Vuka! Anoho singira!” Kifananyi kinyala kukuvulira kindu? Kinyala kuva chakunikwa ni ifeza, kandi zahabu, navuzwa sikeveeye ni livamwoyo mba.

Matayo 5:32

Navuzwa kalunu inzi muvooleraa, mundu woosi ukunga mukali weve, ni kivuni choosi nigatali kivuni chu kuvula kuva, musuuvirifu aveeye ni lihiolo liu kumukola muheyi niiva alazia lukali kandi; kandi mundu woosi oleeta mukali wakungwa akolaa ovoheyi naye.