Jeremia 3:7 - KITABU KITAKATIFU

⁷ Ndaaganaganyia ndi namali kokora yaga goosi alirana kuinzi, navuzwa siyirana mba kandi amwavo weve Yuda utaveeye musuuvirifu yalora goosi.

Jeremia 3:7 Iomraidhean Croise

2 Kyetsinyinga 17:4

Yatumikira Nyasaye wa baba weve, naahulira amalago ga Nyasaye, na si yakola kuli vikolwa via vami vosi va Isiraeli vaakora mba.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 33:24

“Ivi oveeye ni limanyiriza ku makuva ga vandu vavoola ndi, Inzi mali kusura avandu va Isiraeli kandi avandu vi Ivuyuda, ava inzi ndaatovora? Avandu yava vachayi kandi valegerizi avandu vange, na si vavavuguye kuva kandi ihiiri imbiri wavo mba.

Jeremia 5:11

Avandu va Isiraeli na Ivuyuda si vaveeye avasuuvirifu ku inzi mba. Inzi Yahova mali kovora.”

Ezekieli 16:46

“Mukaana winyu munene ni Samaria omenyi na vakana veve Ivaale winyu; mukaana winyu mukekeeke ni Sodoma omenyi Isavaalu harara na vakana veve.

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Amosi 4:8

Kulwayago, avandu vamadaala vazia mu madaala gandi vasuuvira valanyora mazi, navuzwa sivanyoola mazi gavaduka mba. Kali ndio simwirana ku inzi mba.

Malaki 2:11

Avandu vi Ivuyuda vamali kuvunaga lilagana lia Nyasaye kandi vakora vudamanu ligali mu Jerusalemi kandi mu kivala choosi. Vayonogonyia litembeli lia Yahova ya yaanza. Avasaza valeta vakali vasigamira vanyasaye avageni.