Jeremia 3:6 - KITABU KITAKATIFU

⁶ Yahova yambolera mu madiku giliamiiha liumwami Josia, “Ololi aga Isiraeli, mukali utaveeye musuuvirifu oyo akoli? Agirung'ani kutura ku inzi, kandi kukigulu choosi kitambi kandi isi wu musaala muvisi gwosi akoli kuli utaveeye musuuvirifu.

Jeremia 3:6 Iomraidhean Croise

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

2 Kyetsinyinga 34:1

Josia yaali ni mihiga 8 lwa yaatanga kwamiiha kuli mwami wi Ivuyuda. Yamiha mu Jerusalemi ku mihiga 31.

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Isaya 57:3

Hambi hano na mukalagirwi munyi avoni! Munyi simuveeye valahi kuvita avasigitiri, avaheyi namalaya mba.

Isaya 57:7

Muzizaa ku vigulu vitambi ukuhaana visiuviliru nokokolera ku ovoheyi.

Jeremia 1:2

Yahova yamoloma ku Jeremia mu muhiga gwi likomi na jivaga gwi liamiiha lia Josia mwana wa Amoni, yaali mwami wi Ivuyuda.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 17:2

Avandu vinyu vasigamira vifananyi via vamali kolomba kigira umunyasaye wikikali Ashera: Kuvwaali, isi wa vuli musaala muvisi, kuzindongozi ziu kutugulu

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Jeremia 5:11

Avandu va Isiraeli na Ivuyuda si vaveeye avasuuvirifu ku inzi mba. Inzi Yahova mali kovora.”

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Ezekieli 16:31

Mwumbaka havundu hukusigamira ivifananyi ku vuli inzira kandi mwakora uvulaya. Navuzwa si mwaali nilienya mabese kuli liraya lia kase mba.

Ezekieli 16:35

Kunangwa munyi avandu vataveeye avasuuvirifu, muhuliri likuva lia Yahova!

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 23:11

“Kali niiva amwavo weve Oholiba yaali nalori yaga, naye yakola uvulaya uvunyingi ligali kuvita uvwa Ohola yaali naakori.

Ezekieli 23:4

Mukaana munene yalangwa Ohola; liveeye kovora ‘Samaria,’ nu mukaana mukekeeke yalangwa Oholiba; liveeye kovora ‘Jerusalemi.’ Ndaavavugura ma nivagwa vakali vange, niviivura vana vakana na vayaayi.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 4:13

Vahanaa visiuviliru havundu hatakatifu kuzindongozi zievigulu, kandi vasamba vimuli vifunya mwayu ku tugulu isi wimisaala jigumara kandi mitambi, kigira ichiriri keveeye kilahi! “Kunangwa avakaana vinyu vatumika kuli malaya, kandi avanavizara vinyu vakolanga voheyi.

Vakalagi 2:17

Navuzwa vandu va Isiraeli sivahulira vakalagi vaavo mba. Sivali vasuuvirifu ku Yahova mba navuzwa vaasigamira vanyasaye vandi. Avaguuga vaavo valonda amalago ga yahova, navuzwa ilikula lihia liivilira kolola ndio.