Jeremia 3:25 - KITABU KITAKATIFU

²⁵ Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 3:25 Iomraidhean Croise

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Zaburi 106:7

Avaguuga viitu sivamanyiriza vikolwa viokogenya via Nyasaye mu kivala cha Egebeti mba. Vivilira zing'inga zinyingi lwa yavamanyia uvuyanzi vwivwe; kandi vibaara ku Wuvunyali ha Inyanza Nzakanyu.

Zaburi 109:29

Leka vasigu vange vaviikwi mu zisoni zinene ligali; leka viviiki zisoni kuli iganza.

Tsing'ano 13:18

Mundu otenyaa kwigizwa alava mudaka kandi alachaywa, navuzwa oyo uhuliriza miigizu alizominywa.

Tsing'ano 5:13

Sindenya kuhuliriza ga vigizi vange mba. Sindahulira ga wavoola mba.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 12:13

Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Jeremia 14:20

Kunyi kumali kokora uvwoni imbiri woovo, O, Yahova; kwiyaama uvwoni vwitu aveene, kandi uvwoni vwa avaguuga viitu.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Jeremia 2:26

Yahova avoora, “Kuli umwivi aviikwa mu zisoni lwa agumiriywi, kandi ndio munyi avandu va Isiraeli vosi mulavikwa mu zisoni harara na avami vinyu kandi na avanene vinyu, avasaalisi na avaporofeti.

Jeremia 20:18

Kigira ki ninzivulwa? Ndivulwa nyoore uvudinyu novovereri, nduuki ku keheri chi limenya liange liosi mu zisoni?

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 31:19

Kunyi kwasuula ivi, navuzwa nulwazana kwenya kwirane kuive. Inyima lwa waari nuwakakuha amageri, kwinaminya mitwi jiitu mu vovereri. Kwali muzisoni, kigira kwakora uvwoni nikuveeye avasoleri.’

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Jeremia 7:19

Navuzwa inzi niyee wavasinyikizaa? Awa, visinyikizaa aveene kandi vivikaa aveene muzisoni.

Jeremia 8:14

Avandu va Nyasaye vateva, “Kigira ki kwikali hano makiriri? Gendi kunyaguli kuzie mu madaala manene gi zimbinga, na kukuziri uwene yeyo. Yahova Nyasaye wiitu umali kukukalagira likuza; umali kukuha isumu kunwi, kigira kumali kokora uvwoni kuye.

Jeremia 9:18

Avandu vavoola, “Vavooleri vakole vwangu vakwimbiri zinyimbu zielikuza, kuduuka lwizimoni zietu zizura maliga, kandi kuduuka lwi zimoni zietu ziituruka maliga. ”

Lisyoma lya Jeremia 5:16

Uluyali tula ku kunyi O, vayaayi kivi keveeye ku kunyi, kigira kwamala kokora uvwoni!

Lisyoma lya Jeremia 5:7

Avaguuga viitu vakora uvwoni, navuzwa kalunu sivaveeyeho mba, kandi kusalirizwa kigira uvwoni vwavo.

Ezekieli 2:3

“Mwana wu Mundu, ngutumaa ku avandu va Isiraeli. Vamali kwibaala nukugirung'ana kutura ku inzi, kandi vakikiri avibaali kuli avaguuga vaavo vaali.

Ezekieli 36:32

Munyi avandu va Isiraeli, nyenya mumanye ndi Inzi singolaa yaga kigira munyi mba, nyenya muve soni kandi muve ni lihenda mwoyo ku goosi agamukolaa. Inzi Yahova Wuvunyali mali kovora.”

Ezekieli 44:13

Sivalisunda ahimbi ninzi nukundumikira kuli avasaalisi mba, anoho sivalisunda ahimbi ni kindu kiveeye kitakatifu mba, kandi sivalingira Havundu Hatakatifu mba. Yaga ni mageri kigira ivindu viu kuvihiliriza via vamali kokora.

Ezekieli 7:18

Naviviiki zinguvu ziamagunia nukuva muvuti vonene ligali. Mitwi jaavo na jivegwe, kandi vosi vaza vave muzisoni.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Hosea 9:10

Yahova avoora, “Lwa ndaanyoora vandu va Isiraeli mulitanga, vaali kuli Mazabibu gamaa mwigendanyama. Lwa ndaalora avaguuga vinyu, galoleka kuli ndoli likuyu liukutanga liengu ku ing'inga yalio. Navuzwa lwa vaza ku kiguru cha Peori, vataanga kusigamira Baali, kandi nonoho vaaloreka kuva avukuvihiririza kuli avanyasaye vavayaanza.

Zefania 1:17

Yahova avoora, “Ndakaleete kivi ku vandu vosi, maku valakahunahuni kuli avavoku, kigira vamali kongolera vwoni. Kalunu masahi gaavo galakasundulwi kuli amazi kandi miviri jaavo mikuzu jilakagundiri ku marova.”

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Vakalagi 2:2

Kandi mutakalombe lilagana lindi na vandu vamenya mukivala chene yiki mba. Kuduuka mulasambula nukwononyia uvwali vwavo. Navuzwa simwahulira amalago gange mba. Nikindiki cha mukoli yiki?