Jeremia 3:17 - KITABU KITAKATIFU

¹⁷ Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 3:17 Iomraidhean Croise

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

1 Avami 8:41

“Kandi ndio, lwu mugeni utaveeye mulala ku vandu vovo Isiraeli, navuzwa umali kuuza kutura mu kivala chi hale kigira uhuliyi lusuma lwi lieta liilio,

Zaburi 102:23

Yahova umali kongola mudedekere lwa ngikiri muyaayi; umali kwimbihiza livamwoyo liange.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Zaburi 87:3

Avandu vi lidaala linene lia Nyasaye, hulirizi ku vindu viokogenyia via avoora ku ivi.

Isaya 26:8

O, Yahova kunyi kolondaa uvulariri vuvwo, kandi kuvikaa lisuuvirizwa lietu mu ivi; ni ivi weng'ine wa kwegomba kwizuliza.

Isaya 56:6

Kandi Yahova avoora ku avageni yavo aviihambanyiaa ku vandu veve, avamuyanzaa nukumutumikira, avalindaa Lisabato nukulinda Lilagana lilie nu vusuuvirifu vwosi:

Isaya 59:19

Sa mulala alatia lieta lia Yahova nizinguru zizie kutura Ivugwi kuduuka Imadioli, kandi alamanya uvukumi vwivwe kutura ing'inga yiliuva litongaa. Alaza kuli mugera gutulikaa nizinguru zinene ligali; ugwa imbuza kandi kuli ihuuzaa.

Isaya 6:1

Mu muhiga gwu mwami Uzia yakuza, ndaalora Yahova mu malola. Yaali niyikaye kondeve yeye yu vwami, igulu kandi niigingiywi igulu ligali. Ulukigiti lwi iganza yeye lwizura Litembeli liosi.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Isaya 66:18

Inzi manyirizi zing'anagani ziavo, kandi miyinzi jaavo. Inzi nziza kuvungiza avandu vi zihiiri ziosi harara. Lwa navaze harara, valakalole likora lie zinguru ziange,

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Jeremia 11:8

Navuzwa si vahulira anoho si vaatia mba. Muvogono yivwo vuli mundu samulala yaazizagilira kuva mudinyu kandi kokora uvudamanu kuli kazozo. Ndaali ni ndavalaga vaviiki lilagana liange navo, navuzwa vasuura. Kunangwa, ndaviika kuvo viramo viosi vie lilagana kuli ndaali nimbalagi.”

Jeremia 12:15

Navuzwa lwamba nindakavahira ihale, ndakavaveere zimbavasi; ndilanyia vuli ihiiri mukivala chavo kandi mulirova liavo.

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Jeremia 14:21

Wizulizi malagano googo ku kunyi kandi utakoleganyia mba; utavika avandu va Jerusalemi, havundu he endeve yooyo yu vwami vwu vukumi mu zisoni mba. Utavunaga lilagana lia walomba ni kunyi mba.

Jeremia 16:12

Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 17:12

Litembeli lietu liveeye kuli endeve yu vukumi yu vwami, liasingirizwa ku kiguru kidiguluku kutura mu litanga.

Jeremia 18:12

Valativura, ‘Awa, kigira ki kokole ndio? Kunyi kwosi kulava kuli avahindagirizi kandi avandu avuvudamanu kuli kwenya.’ ”

Jeremia 3:19

Yahova avoora, “Munyi avandu va Isiraeli, ndali nilienya kumuvugilira kuli avana vange kandi nukumuha kivala chuvusangari, kivala kilahi ligali mulirova liosi. Ndaali nilienya munyi muunange baba, kandi muvuli kugirung'ana kutura ku inzi.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Jeremia 9:14

Muvogono yivwo vamali kuva avahindagirizi nukusigamira ivifananyi via Baali kuli avaguuga vaavo vavigiza vakole.

Ezekieli 1:26

Igulu muvwerefu, chaliho ni kindu chalorekaa kuli endeve yu vwami iyalombwa ni ligina liesafiro. Kondeve yu vwami yiyi, kindu chaali nichikaye ku, ichalombwa mu lifana liu mundu.

Ezekieli 43:7

yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Livalidza 15:39

Uvuyusi yivu vulava kuli chukwizuliziraku, vuli ing'inga yoosi lwa muheezaa kuvwo, mulizuliza kandi nukutia malago gange. Maku munyi si mulagirung'ana kutura ku inzi nokolonda zinzira zienyu kandi zing'anagani zienyu aveene mba.

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Varumi 6:14

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Vagalatia 4:26

Navuzwa lidaala lia Jerusalemi yu mwigulu liveeye livoholore, kandi liveeye mama wiitu.

Kwidzulitsa 29:29

“Vindu viaviswa viveeye via Yahova Nyasaye wiitu navuzwa viveeye havulavu viveeye vietu harara na vana viitu mihiga ni mihiga, kunanwa kuduuki kokora makuva gi lilaga lilie.

Vakalagi 2:19

Navuzwa lwu mukalagi yalange niyakakuza, vandu va Isiraeli viirana muzinzira ziavo ziukusigamira vanyasaye vandi kali kuvita lwambiri. Vaali vanyara kusigamira vanyasaye vandi mavasuura koleka izinzira ziavo zindamanu.