Jeremia 3:14 - KITABU KITAKATIFU

¹⁴ “Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 3:14 Iomraidhean Croise

2 Kyetsinyinga 30:6

Avatumwa vatura kuzia ichova ku lilaga liu mwami na vanene veve mu kivala choosi chi Vuyuda na Isiraeli na makuva yaga: “Avandu va Isiraeli, mu mali kohona kutura ku liguutwa lie kivala cha vandu va Siria. Kalunu mwirane ku Yahova, Nyasaye wa Aburahamu, Isaka na Yakobo, na alirana ku munyi avatigara,

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 10:22

Kali niiva kalunu avandu va Isiraeli vaveeye vanyingi kuli umuyeke gu munyanza, vakekeeke vuzwa kuvo valirana. Lidiviza liveeye ho ku vandu, kandi lidukanaa ligali.

Isaya 17:6

Avandu vakekeeke veng'ine valatigala mwoyo, na Isiraeli alava kuli musaala gwa muzeituni ugwa makuyu goosi gamali kwagurwa nigataveeye gavili anoho gavaga gatigaye ku lusia lwa higulu ligali, anoho makekeeke agatigaye ku zisia zia haasi. Inzi Yahova Nyasaye wa Isiraeli mali kovora.”

Isaya 27:12

Lidiku yilio, kutura ku mugera gwa Efurate kuduuka ku lwako lwa Egebeti, Yahova alavungiza avandu veve sa mulala, kuli mundu yahulanyia ingano kutura ku mukuzi.

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Isaya 44:22

Mali kweya vwoni vuvwo kuli lilesi. Wirane ku inzi, kigira mali kokohonyi.”

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 3:12

Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 31:6

Yee, ing'inga yiza lwa avasikari valakalangiliri ku vigulu via Efuraimu, ‘Gendi kuzie Ziyoni, ku Yahova Nyasaye wiitu.’ ”

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;