Jeremia 3:12 - KITABU KITAKATIFU

¹² Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:12 Iomraidhean Croise

Litanga 4:7

Niiva wakakoli vulahi, ngano ndakakuvugiliriyi, navuzwa kigira umali kokora vudamanu, ugwiyi mu vwoni. Uvwoni vulakwamiiha, navuzwa ivi kuduuka uvuguuti.”

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 18:1

Mu muhiga gwa kavaga gwi liamiiha lia Hoshea muyaayi wa Ela kuli mwami wa Isiraeli, Hezekia muyaayi wa Ahazi yagwa mwami wi Ivuyuda.

2 Kyetsinyinga 29:10

“Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

2 Kyetsinyinga 30:9

Niiva mulirana ku Yahova, hene yaho yavo avamali kuhila avamwavo vinyu navana vinyu mu vuhambe valavamanyia liverererwa, na vavaleke viirane yengo mu kivala chavo. Yahova Nyasaye winyu aveeye wi zimbavasi kandi wilivererera. Niiva mulirana kuye, alamuvugilira.”

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 103:8

Yahova aveeye wi livererera kandi wu vuyanzi, aveeye wa galaha kuva nu vutima, navuzwa yayizula uvuyanzi vutaveeye ne keheri.

Zaburi 103:9

Si azizagiliraa kogondokera avandu veve mba; kandi sialava nu vutima mihiga ni mihiga mba.

Zaburi 145:8

Yahova aveeye wu vuyanzi kandi wizura zimbavasi. Aveeye wa galaha ku vutima kandi aveeye wu vuyanzi vutaveeye ne keheri.

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Isaya 44:22

Mali kweya vwoni vuvwo kuli lilesi. Wirane ku inzi, kigira mali kokohonyi.”

Jeremia 11:6

Maku Yahova yambolera, “Uzie mu madaala manene goosi gi Ivuyuda kandi kuzinzira ziosi zia Jerusalemi. Wilwaziri avandu amakuva gange uvavoolere vahuliri amakuva gi lilagana yili kandi vagatie.

Jeremia 12:15

Navuzwa lwamba nindakavahira ihale, ndakavaveere zimbavasi; ndilanyia vuli ihiiri mukivala chavo kandi mulirova liavo.

Jeremia 23:8

Muvogono yivwo, valakisuhi ku inzi kuli Nyasaye oveeye mwoyo waleeta avandu va Isiraeli kutura mukivala cha Ivaale kandi kutura muvivala vindi wandaali nindavasalanya. Maku valakamenye mukivala chavo.”

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 3:5

Simulasinyika ing'inga yoosi mba; simulava nu vutima kigira inzi kazozo mba.’ Isiraeli, yago nigo gamwavora, navuzwa mwakora uvudamanu vwosi kuli munyala.”

Jeremia 3:7

Ndaaganaganyia ndi namali kokora yaga goosi alirana kuinzi, navuzwa siyirana mba kandi amwavo weve Yuda utaveeye musuuvirifu yalora goosi.

Jeremia 30:11

Inzi nanzizi kumunyi kandi naamuhonyie. Inzi ndakadivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha mageri sinagave amalulu ligali mba. Inze, Yahova mali kovora.”

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 31:21

Mulombe vimanyiru kunzira; mwenyerizi kandi inzira ya mwaleka. Mwilane, munyi avandu va Isiraeli, muzie yengo mu madaala ga mwaleka.

Jeremia 31:8

Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Jeremia 4:1

Yahova avoora, “Avandu va Isiraeli, niiva mwenya kugirung'ana mugirung'ane muuzi ku inzi. Niiva muveeye avasuuvirifu ku inzi, kandi nimutulizaho ivifananyi viandunyira,

Lisyoma lya Jeremia 3:22

Uvuyanzi vwa Yahova vutaveeye nekeheri, zimbavasi zizie siziveeye ni keheri mba;

Ezekieli 11:17

“Kunangwa uvavoolere aga inzi, Mwami Munene Yahova mboraa. Ndavavungiza kutura muvivala uwa ndavasalanyira, kandi ndakavilanyili kivala cha Isiraeli.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Kyavalevi 26:40

“Navuzwa aviisukulu vienyu viliganira uvwoni vwavo nu uvwoni vwa vaguuga vaavo vahing'ana inzi kandi nibaala ku Inzi.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Kwidzulitsa 30:2

Niiva munyi harara ni visikululwi vienyu, mulirana ku Yahova, kandi muhuliri malago geege nu mioyo jinyu josi agamuhezaa kalunu,