Jeremia 3:10 - KITABU KITAKATIFU

¹⁰ Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Jeremia 3:10 Iomraidhean Croise

2 Kyetsinyinga 34:33

Mwami Josia yononyia vifananyi viosi viukuvihiririzwa iviali muvivala via vandu va Isiraeli, kandi yakola avandu vosi avaari mu Isiraeli kutumikira Yahova Nyasaye wavo. Mu madiku goosi ga yamiha avandu va Isiraeli, vazizagilira kuhulira Yahova Nyasaye wa vaguuga vaavo.

Zaburi 18:44

Lwa Avageni viinama imbiri wange; lwa vahuliraa agambooraa, vegehiza.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 12:2

Ivi wavasimika kuli musaala navahira imiri; vaviruka kandi vaama amakuyu. Vuli ing'inga vamoloma vulahi kigira ivi, navuzwa sivakohendera mwoyo mba.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

Amosi 4:9

“Ndaamutumira vukindu vusamba viukulia nukwononyia vitagwa vienyu. Zisigi zialia vitagwa mu milimi jinyu ni vizabibu vienyu kandi milimi ja mizeituni jinyu. Navuzwa munyi simwirana ku inzi mba.

Malaki 2:11

Avandu vi Ivuyuda vamali kuvunaga lilagana lia Nyasaye kandi vakora vudamanu ligali mu Jerusalemi kandi mu kivala choosi. Vayonogonyia litembeli lia Yahova ya yaanza. Avasaza valeta vakali vasigamira vanyasaye avageni.