Jeremia 3:1 - KITABU KITAKATIFU

¹ Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 3:1 Iomraidhean Croise

Zaburi 106:38

Vita avana avataveeye nimbala, kandi ni vavahaana kuli visiuviliru ku vifananyi via vanyasaye va Kanaani; kandi kivala chizula uvudamanu vwu kwita.

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Jeremia 2:7

Ndaavaleta mukivala kigunamu, kusangalira ligesa lia cho kandi vindu via cho vilahi. Navuzwa lwa vaza mukivala yiki, ni vakekola kuva hazwa, kandi ni vachononyia, kivala chandaali ndahana kuvo.

Jeremia 22:20

Avandu va Jerusalemi, muzie ku kiguru cha Lebanoni na muhanzuki; muzie mukivala cha Bashani na muliri. Mwaniri kutura ku vigulu via Moabu, kigira avakonyi vinyu vosi vamali kuguutwa.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 3:9

kandi siyalolaku zisoni mba. Yononyia kivala navula kuva musuuvirifu, nasigamira amagina ni misaala.

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Jeremia 4:1

Yahova avoora, “Avandu va Isiraeli, niiva mwenya kugirung'ana mugirung'ane muuzi ku inzi. Niiva muveeye avasuuvirifu ku inzi, kandi nimutulizaho ivifananyi viandunyira,

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Ezekieli 16:26

Mwasigamira avanyasaye va avandu va Egebeti, avatende vinyu, kandi nimungola kuva nu vutima kigira livula kusuuvira.

Ezekieli 16:30

Yaga nigo ga Yahova Wuvunyali avoora: “Kandi kigira simwigutaa mba. Kali inyima wa gene yago, lienya lienyu siliaduukizwa mba.

Ezekieli 16:35

Kunangwa munyi avandu vataveeye avasuuvirifu, muhuliri likuva lia Yahova!

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Mika 2:10

Muturi yaaha na muzie; hano sihaveeyeho ni likingwa kandi mba. Uvwoni vwinyu vumali kwononyia havundu hano nu kuhadiviza.

Zekaria 1:3

navuzwa kalunu muvooleraa ‘Mwilane ku inzi, na inzi ndamwilanira.

Matayo 5:31

“Gavoolwa kandi, ‘Mundu woosi ukunga mukali weve, amuhe ibarwa yo kolekana.’

Kwidzulitsa 22:21

hene yaho valahila mukaana zana ha kiliango chi inyumba ya baba weve, na avasaza vi lidaala lilie valamulasa magina akuze. Yamala kokora kindu chie zisoni hagati ha avandu viitu ku likolera ovoheyi munyumba ya baba weve, nakikiri kuzia lukali. Munzira yiyi mulatuliza uvudamanu yivu hagati hinyu.

Vakalagi 19:2

Navuzwa umukali uyu yasinyikira umusaza uyu, na yamuleka niyiirana ku baba weve mu Bezelehemu, kandi namenya yo imieli jine.