Jeremia 29:7 - KITABU KITAKATIFU

⁷ Mukore agaveeye amalahi mu lidaala linene yilio, lya inzi mali kumuhila kuva kuli avahambe. Musaale ku inzi kigira lidaala yilio. Niiva valagasizwa nimiandu, munyi kandi mulagasizwa nimiandu.

Jeremia 29:7 Iomraidhean Croise

Ezara 6:10

Yaga gaduuki kokoleka kunangwa vaduuki kuhaana visiuviliru vivugilirwa ku Nyasaye wi Ligulu, kandi vaduuki kusaala Nyasaye ahaane uvugasu ku Inzi harara na vana vange.

Ezara 7:23

Kuduuka muhaane kindu choosi icha Nyasaye wu mwigulu yenya kigira Litembeli lilie, kunangwa avuli kuva nu vutima ninzi noho na vami vamiiha inyima wange.

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Ezekieli 11:16

“Kalunu ovoolere avandu vilihaminywa vache agambooraa. Ni inzi wavahila komenya mu zihiiri zie ihale kandi nimbasalanyira muvivala vindi. Nitali, ku ing'inga engekeeke ndava harara navo muvivala via vazia mu.

Danyeli 4:19

Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Varumi 13:1

Mundu sa mulala gamudukira yegehize ku vwamihi vwi kivala, kigira uvunyali vwosi vutulaa ku Nyasaye kandi avamihi vaviikwa na Nyasaye.

Varumi 13:5

Navuzwa gamudukira muhuliri vamiihi kigira mumakura gaveeye malahi kokola ndio. Sigaveeye kigira vutima vwa Nyasaye mba.