Jeremia 28:9 - KITABU KITAKATIFU

⁹ Navuzwa muporofeti aporofetaa amakuva gi mirembe alamanyikana kuva muporofeti wa Yahova amali kutuma lwa ovoporofeti vwivwe vuva vwagiligali.”

Jeremia 28:9 Iomraidhean Croise

Isaya 44:26

Navuzwa lwu mutumikiri wange aporofetaa, kandi lwa nduma mutumwa wange kuvuula lilohiza liange, ngolaa ovolohizi yivwo novoporofeti yivwo kuva vwa giligali. Mbolera Jerusalemi ndi avandu valamenya yo kandi; kandi mbolera madaala manene gi Ivuyuda ndi galumbakwa vuhia kandi. Madaala manene yago gasingirizwa kutura mu mang'anye.

Jeremia 14:13

Maku ndaavoora, “Ai Yahova Nyasaye, ivi umanyi ndi avaporofeti vavoolera avandu ndi, vulwani si vulakaveho mba anoho inzara, kigira ivi umali kuvasuuviriza. Vavoola ndi, umurembe gweng'ine nigwo gulivaho mukivala chietu.”

Jeremia 4:10

Maku ndavoora, “Yahova Wuvunyali, ivi umali ligali kovehera avandu va Jerusalemi! Umali kovora mirembe jilavaho, navuzwa kivavi kilaviita.”

Jeremia 6:14

Vakolavuzwa zingwagu zia avandu vange ziveeye vuzwa uvwiyago. Vavoola, ‘Goosi gaveeye amalahi,’ ulwa goosi gataveeye amalahi.

Jeremia 8:11

Vakora kuli zingwagu zia avandu vange ziveeye vuzwa lwiyago. Vavoola, ‘Goosi gaveeye amalahi,’ lwa goosi gataveeye amalahi mba.

Ezekieli 33:33

Navuzwa lwa makuva googo goosi galitwekizwa, kandi lwa navave avandu va giligali, maku navamanye ndi, muporofeti yaveeye harara navo.”

Kwidzulitsa 18:21

“Munyala kogenya kuli monyala kumanyiriza niiva likuva liu muporofeti silitulaa ku Yahova.

Kwidzulitsa 18:22

Niiva muporofeti amolomaa mu lieta lia Yahova, na agaavoola gavuli kwekoleka, maku, likuva yilio siliveeye kutura ku yahova mba. Muporofeti oyo umali komoloma ku vunyali vwivwe na munyi mutamutia mba.