Jeremia 28:4 - KITABU KITAKATIFU

⁴ Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Jeremia 28:4 Iomraidhean Croise

Litanga 27:40

Ivi ulanyora lilia kigira vulwani, kandi ulatumikira amwavo vovo; Navuzwa niiva ulibaala kuye, ulavukana naye nukuzia ihale.”

2 Avami 24:14

Nebukadineza yaahira avandu va Jerusalemi mu vuhambe, avayaayi vosi vi inyumba yu vwami, na vasaza aviimiliri vosi, avandu zielefu likomi. Kandi yavugula avayinziri vi limanya linene harara na vasiza na vatuli, navuzwa natigaliza inyima avandu vaali vadaka ligali mu kivala chi Ivuyuda.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Jeremia 13:19

Amadara ga Negebu gamali kukumbirizwa; siaveeyeho kali mulala unyala kuvita azie mugo mba. Avandu vosi vi Ivuyuda vamali kuhirwa ihale mulihaminywa.”

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 22:10

Avandu vi Ivuyuda, mutalira kigira mwami Josia mba, kandi mutasioma kigira likuza lilie mba. Navuzwa muliri vululu ligali kigira Joahazi mwana weve. Vamuvugura nu kumuhila mukivala chi ihale, si alirana kandi mba, sialalola kivala chiche cha yiivulwa mu kandi mba.

Jeremia 22:24

Yahova yavolera mwami Jehoyakini mwana wa mwami Jehoyakimu umwami wi Ivuyuda, “Ligali kuli inze mbeeye Nyasaye omenya, kali niiva wakaveeye kuli imingiri yu muhuri ku mukono gwange mulungi, ndaakakusiluli kutura ku inzi

Jeremia 24:1

Yahova yamanyia vihinda viviri via Makuyu ni viviikiywi imbiri wi Litembeli. Yaga gaali lwu mwami Nebukadineza wa Babiloni yaali ni yakahila mwami Jehoyakini wi Ivuyuda, mwana wa Jehoyakimu kuli umuhambe kutura Jerusalemi kuzia Babiloni, harara na aviimiliri vi Ivuyuda, na avasiza kandi avaturi vi miyinzi.

Jeremia 24:5

“Inzi Yahova, Nyasaye wa avandu va Isiraeli, ng'anagana kigira avandu vaahirwa ihale mukivala cha Babiloni kuva kuli amakuyu amalahi yaga, kandi ndavakolera vulahi.

Jeremia 27:8

“Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 28:10

Maku muporofeti Hanania yavugula iniira yu mwami nagituliza ku ligoti liange, kandi nagivunanyia mu vidonye;

Jeremia 28:2

Yahova Wuvunyali, Nyasaye wa avandu va Isiraeli avoora: “Inzi mali kutulizaho zinguru ziu mwami wa Babiloni.

Jeremia 29:1

Yiyi ni Ibarwa ya ndaang'oda kuzia ku avasaalisi, avaporofeti, aviimiliri, harara na avandu vosi ava Nebukadineza yaali naahiri kutura Jerusalemi kuzia Babiloni kuli avahambe.

Jeremia 29:2

Ndaang'oda Ibarwa yiyi inyima wu mwami Jehoyakini na mama weve, harara na avanene vi inyumba yu vwami, aviimiliri vi Ivuyuda kandi Jerusalemi, avasiza na avaturi vaali nivahiliywi mu vuhambe mu Babiloni.

Jeremia 30:8

Yahova Wuvunyali avoora: “Lwa lidiku yilio liliduuka, inzi ndakavunanye iniira eveeye kumagoti gaavo, kandi ndakatulizi minyororo jayo, sivaliva avatugwa vavageni kandi mba.

Kyavalevi 26:13

Inzi, Yahova Nyasaye winyu, ndamuleeta kutura Egebeti kunangwa muvuli kuzizagilira kuva vatugwa vaavo mba. Ndaavunanyia zinguru zia avasigu vienyu kandi nimuleka mugende no vovoholore.”

Nahum 1:13

Kalunu ndaheriza zinguru zia vandu va Siria ku munyi, kandi ndatuliza ku munyi vuliduhu vwavo.”