Jeremia 27:9 - KITABU KITAKATIFU

⁹ Kunangwa mutahulirizi makuva ga avaporofeti vinyu mba, anoho avasegetiri, anoho avamaloto, anoho avakumu avavooraa muvuli kutumikira mwami wa Babiloni.

Jeremia 27:9 Iomraidhean Croise

Kutwula 22:18

“Mukali woosi okolaa uvukumu adukanaa yiitwi

Kutwula 7:11

Maku mwami yalanga avandu veve avageri na vasigitiri. Kandi navo vaakora kindu kilala chere.

Tsing'ano 19:27

Mwana wange, lwa ulekelaa kwiga ulaleka vwangu aga umanyi.

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Jeremia 14:14

Navuzwa Yahova yativura, “Avaporofeti yavo vavoola ovovehi mu lieta liange; Inzi si ndaavatuma mba, anoho si ndaavalaga anoho kuvavoolera likuva kali lilara kuvo mba. Amalola gavaporofeta si gaturaa ku inzi mba. Ovoporofeti vwa amalola gaavo voveeye vindu via vuzwa kandi vwi zing'anagani ziuvugadi.

Jeremia 23:16

Yahova Wuvunyali yavolera avandu va Jerusalemi, “Mutahuliriza aga vaporofeti vavoola; vamuvolera lisuuvirizwa liuvugadi. Vamuvolera agavamali kuganagana, sigaveeye aga inzi mali kovora mba.

Jeremia 23:25

Ndaamanya vaporofeti yavo kovora avavoora ovovehi mu lieta liange kandi vekola ndi inzi mali kuvaha amakuva gange mu maloto gaavo.

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Jeremia 29:8

Inzi Yahova, Nyasaye wa avandu va Isiraeli, mwiganihizaa ndi, mutaleka avaporofeti, avasigitiri na avakumu avamenyi hagati hinyu vamugade mba. Mutahulirizi ku maloto gaavo mba,

Ezekieli 21:29

Malola aga munyi muloraa gaveeye aguvugaadi, kandi vusigitiri vwinyu voveeye ovovehi. Munyi muveeye avandu vachamu kandi vadamanu. Lidiku lienyu liukumalirika kohevwa mageri lizaa. Inzi ndamwita ni kivavi.

Danyeli 4:7

Maku vasigitiri, valaguli, valogi harara na vageri vi zing'ereng'ani vosi valetwa kandi nimbavolera maloto gene yago, navuzwa si vaali vanyara kunzivaalira mba.

Mika 3:7

Avaloli valava muzisoni; kiyira ligutwa liavo. Vosi valakunika minwa jaavo, kigira Nyasaye sialavativulira mba.”

Zekaria 10:2

Vandu vateva vifananyi vivavuuliri, navuzwa mativuli ga vanyoola gaveeye go vovehi kandi gavuzwa. Valala vivalaa maloto cha gavoora, navuzwa vamugotizaa; vweremerizi vwa vamuheza voveeye vwa vuzwa. Kunangwa vandu vagendagenda kuli magondi gagota. Vaveeye mu vudinyu kigira sivaveeye nu mwimiliri mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Vikolwa 8:11

Vamuhuliriza ligali, kigira yavagenyia nu vusigitiri vwivwe ku ing'inga indambi.

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

Kwidzulitsa 13:2

kandi niiva kelolekizu anoho chokogenyia yicho kelekoleka, mavoole: Gendi kolonde avanyasaye vandi, avanyasaye va munyi mwavura kumanya, kandi “Gendi kuvasigamiri”

Kwidzulitsa 18:14

Maku Musa yavoola, “Mu kivala cha muveeye ahimbi kuvugura, avandu vizihiiri yizio vaanala kolonda liemilirwa ni zing'anagani izia yavo avakolaa vusigitiri nivenyereriza zingavi zindamanu. Navuzwa Yahova Nyasaye winyu siamuvugiliraa mukore ndio mba.

Joshua 13:22

Harara na yavo ava avandu va Isiraeli vita, yaali Balaamu Musigitiri. Yaali muyaayi wa Beori.

Likunula 18:23

Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 9:21

Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.