Jeremia 27:4 - KITABU KITAKATIFU

⁴ Yahova Wuvunyali, Nyasaye wa avandu va Isiraeli, yambolera ndage avatumwa yava, vavoolere avami vaavo ndi;

Jeremia 27:4 Iomraidhean Croise

Kutwula 5:1

Maku Musa na Haruni vazia ku Mwami wa Egebeti nivamuvoolera, “Yahova, Nyasaye wa Isiraeli, avoora, ‘Leka avandu vange vazie, kunangwa vaduuki konombera lisavo liu kuhaana luyali ku inzi mwigendanyama.’ ”

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 27:3

Maku Yahova yambolera ndumi amakuva ku avami va Edomu, Moabu, Amoni, Tiro na Sidoni kuvitira ku avatumwa vaavo avaari nivaazi mu Jerusalemi kolola mwami Zedekia.

Jeremia 27:5

“Kuvunyali vwange ovonene kandi kuzingulu ziange ndaalomba kivala, avandu kandi ni zinyama ziosi izimenyi ku lirova; kandi mbanaanga ku mundu woosi wa inzi mwene mali kotovola.

Jeremia 28:14

Yahova Wuvunyali, Nyasaye wa avandu va Isiraeli, avoora ndi, alaviika iniira yi kivia ku zihiiri ziosi kandi zilatumikira mwami Nebukadineza wa Babiloni. Yahova avoora ndi, kandi alakola kali zinyama ziu mbulimu kutumikira mwami Nebukadineza.”

Jeremia 51:19

Nyasaye wa Yakobo siaveeye kuli yavo mba; niye walomba vuli kindu, kandi umali kotovola Isiraeli kuva vandu veve mwene. Lieta lilie ni Yahova Wuvunyali.