Jeremia 27:22 - KITABU KITAKATIFU

²² Vilavugulwa na vilahirwa Babiloni na vilavayo kuduuka lwa ndiganagana kuvio. Maku ndavilanyia kandi ndaviviika havundu hano. Inzi Yahova mali kovora.”

Jeremia 27:22 Iomraidhean Croise

2 Avami 25:13

Vababilonia vatanyia zitiru zie migasa mu vidonye, na magare gu kuginga vindu agaali mu Litembeli, harara ni lidangi, linene liu mugasa, kandi vahiraa Babiloni mugasa gwosi.

2 Kyetsinyinga 36:21

Nandio aga Yahova yaali niyavoola kuvitira mu muporofeti Jeremia gaaduukizwa: “Kivala kilatigala ichere ku mihiga 70, kutwekiza lisosa lie lisabato lia mwavura kulinda.”

Ezara 1:11

Viju viosi vie izahabu kandi ifeza viali 5,469, via sheshebaru yavugula harara na vandu vi lihaminywa kutura Babiloni kuzia Jerusalemi.

Ezara 7:19

Munyi mulahaana ku Nyasaye mu Jerusalemi iviju viosi viamwahevwa kutumikira muvutumiki vwu mu Litembeli.

Ezara 7:9

Yaatanga logendo kutura Babiloni ku lidiku liu kutanga ku mweli, kandi yaduuka mu Jerusalemi ku lidiku liu kutanga liu mweli gwa katano kigira Nyasaye yamukonya.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Jeremia 20:5

Ndaleka avasigu vaavo valalanya vutugi vwosi vwi lidaala linene kandi valagumira uvutugi ni miandu josi ji lidaala linene, kali na amaviikiru ga avami vi Ivuyuda, kandi valaginga vindu viosi nu kuvihira mukivala cha Babiloni.

Jeremia 27:21

“Muhulirize ku makuva ga inzi, Yahova Wuvunyali, Nyasaye wa avandu va Isiraeli mboraa kigira iviju viatigala mu Litembeli kandi munyumba yu Mwami yi Ivuyuda kandi Jerusalemi:

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Jeremia 29:10

“Yahova avoora, ‘Lwi mihiga 70 jimalirika ni muveeye mu Babiloni, ndaaza kumugeniha kandi ndaduukiza lilagana liange ku munyi na ndamwilanyia mu kivala cha Isiraeli.

Jeremia 32:5

Zedekia alahilwa mu Babiloni, na alavayo kuduuka lwamukolela agadukanaa naye. Kali niiva alalwana avandu va Babiloni, si alaguuta mba. Inzi Yahova mali kovora.”

Jeremia 34:2

Yahova, Nyasaye wa Isiraeli, yambolera nzie mbolere mwami Zedekia wi Ivuyuda ndi, “Inzi, Yahova nambane lidaala yili ku mwami wa Babiloni kandi nalisambe.

Jeremia 34:3

Si mulahononoka kutura kuye mba; navuzwa mulagumirwi manamuhirwi kuye. Mamumulore moni na moni kandi namulomome naye mwene; maku namuzie Babiloni.

Jeremia 34:5

Ivi ulakuzira mu mirembe, kandi kuli avandu vasamba ivifunya mwayu lwa vayavira avaguuga vovo avaari vami imbiri woovo, navakusambiri ivifunya mwayu munzira kuli yene yeyo. Navakusiomere nivavoora, ‘Mwami wiitu akuzi!’ Inzi, Yahova, mali kovora.”

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Danyeli 9:2

Mu muhiga gwu kutanga gwi liamiiha lilie, ndaali ni soma vitabu vitakatifu kandi ninganagana ku mihiga 70 ji lidaala lia Jerusalemi liali live mulidivizwa kolondekana ku makuva ga Yahova yaali na mali kovoolera muporofeti Jeremia.