Jeremia 26:2 - KITABU KITAKATIFU

² Yahova yambolera, “Singira mumugizi gwi Litembeli na ulandizi amakuva gamali kukulaga ovoole ku avandu vaza kutura mu madaala gi Ivuyuda kusigamira Yahova. Utaleka kindu kali kilala mba.

Jeremia 26:2 Iomraidhean Croise

Jeremia 1:17

Wetegeke Jeremia, uzie na ovoolere avandu va Isiraeli goosi agaamali kukulaga kovora. Utavatia mba, gase ndakokola ove umuti imbiri wavo.

Jeremia 1:7

Navuzwa Yahova yambolera, “Utavoola oveeye mwana mukekeeke mba, navuzwa zia ku avandu vangutumaa ku na uvavoolere goosi aga inzi nokovora.

Jeremia 19:14

Kunangwa ndaatula Tofezi wa Yahova yaali nandumi kulandiza likuva lilie. Ndaazia nisingila mu mugizi gwi Litembeli nimbolera avandu vosi

Jeremia 23:28

Muporofeti oveeye namaloto avoole yaga namaloto vuzwa, navuzwa muporofeti uhuliyi likuva liange gamuduukira alandizi likuva yilio muvusuuvirifu. Nivulahiki ovoveeye mu mukuuzi nogeranyia niingano?

Jeremia 25:2

Ndaavoora likuva yili ku avandu vosi vi Ivuyuda kandi Jerusalemi,

Jeremia 28:5

Maku ndaavolera Hanania imbiri wa avasaalisi kandi na avandu vosi avaari ni vasingiyi mu Litembeli:

Jeremia 36:10

Maku, lwa avandu vosi vaali ni vahuliriza, Baruki yaasoma amakuva goosi kutura ku karatasi yaali nililingiywi kuli ndaali nimboye. Yakola yaga naveeye mu Litembeli, mu keng'oze cha Gemaria mwana wa Shafani, mung'odi wi keng'oze chu mugizi gwa higulu ahimbi nu vwingiliru vwi kirivwa kihia chi Litembeli.

Jeremia 42:4

Maku ndaativura, “Inzi mali kumuhulira, ndasaara ku Yahova Nyasaye wiitu kolondekana ni ligoonya lienyu, na goosi agaativula ku munyi, ndamuvolera. Sindamuvisa kindu kali kilala mba.”

Jeremia 7:2

“Zia usingili mu vwingiliru vwi kirivwa chi Litembeli ma ulandizi likuva yili: Muhuliri Likuva lia Yahova, munyi vosi avandu vi Ivuyuda avingiraa mu virivwa yivi nu kusigamira Yahova.

Jeremia 7:27

“Kunangwa, Jeremia, ulamoloma amakuva yaga goosi ku avandu vange, navuzwa si valakuhulira mba; ulavalanga navuzwa si valakutivulira mba.

Ezekieli 3:10

Nyasaye yaazizagilira kovora, “Mwana wu Mundu, uhulirizi ligali ma wizulizi vindu viosi viangovoolera.

Ezekieli 33:7

“Kalunu, Mwana wu Mundu, ngokora kuva musikari ku ihiiri ya Isiraeli. Kuduuka uvavoolere lieganihiza lia ngovolera.

Ezekieli 40:4

Mundu oyo yambolera, “Mwana wu Mundu ohenze vulahi. Huliriza vulahi ligali, kandi uviiki zing'anagani zizio ku vuli kindu choosi changumanyia, kigira yiki nicho kivuni chagira nengoleta hano; kunangwa kuduuki kovolere avandu va Isiraeli goosi aga ololaa.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Luka 19:47

Amadiku goosi yigizaa mu Litembeli. Navuzwa avasaalisi vanene na Avigizi vi Lilaga na vimiliri vavandu venya kogeriza kumwita.

Yohana 18:20

Yeso yamutivulira, “Inzi ndaamoloma havulavu kazozo ku avandu vumukivala vosi. Vuli ing'inga ndigiza mu Masinagogi kandi mu Litembeli, havundu ha Avayuda vosi vavugana harara; na ngikiri kovora ku kindu choosi mu vwivisu mba.

Yohana 8:2

Mugambazuri mumavwevwe, Yeso yirana mu Litembeli. Avandu vosi vazia kuye, nivamukumbiriza naye yikala hasi naavigiza.

Vikolwa 20:20

Mumanyi vulahi sindaaleka kali hakuzu kumwilwazira imbiri wa vandu vosi, kandi mu zinyumba zienyu; nimwigiza goosi aganyala kumukonya.

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

Vikolwa 5:25

Maku mundu mulala yaza aha vakulundu vavunga na avavoolera, “Huliri! Avandu va muvohi muvuhambe vaveeye mu Litembeli lwene yilu, vigiza avandu!”

Vikolwa 5:42

Vazizagilira madiku goosi kwigiza nukwilwaza mu Litembeli kandi mu zinyumba zia avandu Tvangeli ya Yeso kuli aveeye Mesia.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Joshua 8:35

Vuli lilago ku malago ga Musa gasomwa na Joshua ku livugana liosi lia vandu va Isiraeli, avakali, avana harara na avageni vamenya hagati haavo.

Likunula 22:19

Utuliza kindu choosi ku makuva gi kitabu cho ovoporofeti yivu, Nyasaye alatuliza lisanga lilie kutura ku musaala guhaanaa livamwoyo mu Lidaala Litakatifu, ili ng'odeywi mu kitabu yiki.