Jeremia 25:9 - KITABU KITAKATIFU

⁹ ‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 25:9 Iomraidhean Croise

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Kyetsinyinga 29:8

Kigira yaga, Yahova umali kuvihilirwa avandu vi Ivuyuda na Jerusalemi, na agaamali kuvakolera, gaveeye agu kutihiza ligali ku vuli mundu. Munyi mumanyi vulahi ligali.

2 Kyetsinyinga 36:21

Nandio aga Yahova yaali niyavoola kuvitira mu muporofeti Jeremia gaaduukizwa: “Kivala kilatigala ichere ku mihiga 70, kutwekiza lisosa lie lisabato lia mwavura kulinda.”

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 13:3

Yahova umali kulanga kandi kulaga avasikari veve avizingulu kandi avatakatifu kulwaana liihi litakatifu nu kuhaana amageri ku yavo avaveeye navo nu vutima.

Isaya 39:7

Valala ku avana vovo valavugulwa nu kuhilwa ihale kandi valakolwa kuva viziri viu kutumika munyumba yu mwami wa Babiloni.”

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Jeremia 1:14

Hene yaho, Yahova yambolera, “Kivi kutura Ivaale kiladuuka ku avandu vosi avamenyi mukivala yiki,

Jeremia 1:15

kigira ndalaga zihiiri ziosi kuza kutura Ivaale. Avami vaavo valalomba uvwami vwavo ha vwingiliru vwi virivwa via Jerusalemi, kandi ku zimbega ziosi zia amadigi, kandi ku zimbega ziosi zia amadara gi Ivuyuda.

Jeremia 10:22

Huliri! Konyooye amakuva mageni! Umuliviti munene goveeyeho kutura mu ihiiri ya Ivaale; avamahi gayo valagirung'anyia amadara gi Ivuyuda kuva viangalangwe, havundu hi vivwi vimenyi.”

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 2:15

Avasigu vaavo vavafumiraa kuli zisimba; vakoli kivala chavo kugwa changalangwi, kandi madaala manene gaavo gagwiyi amang'anye vugira vandu.

Jeremia 20:4

Yahova mwene avooye, ‘Ndakokola ove mutiihizi ku avalina vovo vosi kandi ku ivi mwene, kandi avasigu vaavo valitirwa mu vulwani imbiri woovo. Nziza kuviika avandu vosi vi Ivuyuda mu vwamihi vwu mwami wa Babiloni; alavugula avandu valala avahili mukivala cha Babiloni kuli avahambe na avandu vandi alavita.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 25:8

“Kunangwa, kigira si mwahulira, Yahova Wuvunyali, avoora,

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 35:11

Navuzwa lwu mwami Nebukadineza yingilira kivala, kwatovola kuzia Jerusalemi kove ihale kutura ku avilihi va Babiloni na Siria. Yiki nicho kigira komenyaa mu Jerusalemi.”

Jeremia 36:2

“Vugula ikaratasi ilingiywi na ong'ode ku amakuva goosi agaamali kokovoolera kigira avandu va Isiraeli na avandu vi Ivuyuda kandi ni zihiiri ziosi. Ong'ode amakuva goosi agandakovolera kutura ing'inga ya ndamoloma ku ivi mulitanga, lwa Josia yaali mwami kuduuka lero.

Jeremia 36:29

Yahova yambolera mbolere mwami ndi, “Ivi umali kusamba Ikaratasi ilingiywi, kandi oteevi Jeremia kigira ki yang'oda ndi mwami wa Babiloni alaza kandi aladiviza kivala yiki nu kwita avandu vamenyi mu kandi zinyama.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 40:2

Munene wi liihi yambika halovega nambolera, “Yahova Nyasaye woovo yavoola alaleeta uvuti vwi lidiviza,

Jeremia 43:10

Maku uvavoolere ndi inzi, Yahova Wuvunyali, Nyasaye wa Isiraeli, nziza koleta mutumikiri wange mwami Nebukadineza wa Babiloni havundu yaaha. Alaviika uvwami vwivwe kumagina yaga agumali kuyavira, kandi alakunika lihema liu vwami kugo.

Jeremia 46:20

Egebeti eveeye kuli eng'ombe eveeye indahi ligali navuzwa ligugu limali kujingilira kutura Ivaale.

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Jeremia 8:16

Avasigu viitu vadukikale mu lidaala linene lia Dani; kuhuliraa lihuuma lie zibarasi ziavo. Kivala choosi kedegeraa lwi zibarasi ziavo zifuumaa. Avasigu viitu vazi kudiviza kivala chietu kandi ni vindu viosi viveeye mu, lidaala lietu linene harara na avandu vamenyi mu.”

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 16:40

“Navakole muganda gwa vandu kumwingilira nu kumulasa na magina kandi navamukalanyie mu vidonye ni vivavi viavo.

Ezekieli 21:11

Kivavi kishagaliywi kiduuki kutumikirwa. Kishagalilwi, kiduuki kuvikwa mu makono gumwiti.

Ezekieli 26:7

Yahova Wuvunyali avoora, “Nziza koleta Mwami Munene kuvami vosi, Mwami Nebukadineza wa Babiloni kwingilira vandu va Tiro. Na yaze kutura Ivaale ni liihi linene, ni zibarasi, namagare gu vulwani kandi ni miganda ja vandu.

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Habakuk 1:17

Valazizagilira kutumikira vivavi viavo zing'inga ziosi nu kudiviza zihiiri vugira zimbavasi?

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.