Jeremia 25:6 - KITABU KITAKATIFU

⁶ Vaamuvolera muvuli kusigamira kandi kutumikira avanyasaye vandi, kandi muvuli kokora Yahova ave nu vutima mu lisigamira vifananyi via mwalomba. Mulava ni mwatia Yahova, ngano si yamuha amageri mba.

Jeremia 25:6 Iomraidhean Croise

1 Avami 14:22

Avandu vi Ivuyuda vaakora vwoni vunyingi ligali kandi nivavuukiza vutima vwa Yahova kuvita avaguuga vosi vaali nivakora.

2 Avami 17:35

Yahova yaali ni yalomba lilagana navo kandi yaali ni yalaga navoora: “Mutavinamiira avanyasaye vandi mba mutavinamiira anoho kuvatumikira, kinga kuhaana visiuviliru kuvo mba.

Kutwula 20:23

Mutelombera avanyasaye vi izahabu anoho vizifeza vave viukusigamirwa komeeda ku inzi mba.

Kutwula 20:3

“Mutasigamiri vanyasaye vandi nataveeye inzi mba.

Jeremia 32:30

Avandu va Isiraeli kandi avandu vi Ivuyuda vamali kokora uvudamanu imbiri wange kutura mu vosooleri vwavo. Avandu va Isiraeli vamali kumbihiliriza kumiyinzi jaavo.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 44:7

“Kunangwa, Inzi Yahova Wuvunyali, Nyasaye wa avandu va Isiraeli, kalunu muteeva ndi, kigira ki mwekolelaa munyi aveene vindu vidamanu kuli yivi? Mwenya koleta lidiviza ku avasaza na avakali, avana vasoleri kandi avana avadoto, kunangwa mundu ku avandu vinyu avuli kutigala?

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Jeremia 7:9

Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Kwidzulitsa 13:2

kandi niiva kelolekizu anoho chokogenyia yicho kelekoleka, mavoole: Gendi kolonde avanyasaye vandi, avanyasaye va munyi mwavura kumanya, kandi “Gendi kuvasigamiri”

Kwidzulitsa 28:14

Navuzwa sigamuduukira muvuli kugalonda munzira yoosi, anoho musigamiri kandi mutumikiri avanyasaye vandi mba.

Kwidzulitsa 6:14

Mutasigamiri avanyasaye vandi, avanyasaye va avandu vamumenyi navo mba.

Kwidzulitsa 8:19

Mutivilira Yahova Nyasaye winyu, anoho kugirung'ana nokuzia ku avanyasaye vandi, kuvasigamira kandi kuvatumikira mba. Niiva mulakola ndio, mwiganihizaa kalunu ndi ligali muladivizwa.

Joshua 24:20

Nimumuleka kuzia kusigamira avanyasaye vageni, alamugirung'ana nukumuha amageri. Alamudiviza, kali ni yaali mulahi ku maziambiri.”