Jeremia 25:3 - KITABU KITAKATIFU

³ “Ku mihiga 23, kutura ku muhiga gwa 13 lwa Josia mwana wa Amoni yaali mwami wi Ivuyuda kuduuka ing'inga yiyi, Yahova umali kumoloma ku inzi, na inzi ndaamuvolera goosi agayaambolera. Navuzwa munyi si mwahulira mba.

Jeremia 25:3 Iomraidhean Croise

Litanga 22:3

Mugambazuri kulidiku lilondaku Aburahamu yatema zingu zie kisiuviriru, yavika ku ibunda yeeye, kandi navugura Isaka harara na vatumikiri veve vaviri. Vataanga logendo kuzia havundu ha Nyasaye yaali namuvooleye.

1 Avami 22:3

Mwami Ahabu yateeva vatumikiri veve, “Kigira ki kukikiri kokora kindu kwirana kuvugura lidaala linene lia Ramozi mu kivala cha Gileadi kutura ku mwami wa Siria? Liveeye lidaala lietu.”

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

2 Kyetsinyinga 24:19

Yahova yatuma avaporofeti kuveganihiza viirane kuye, navuzwa avandu si vamuhulira mba.

2 Kyetsinyinga 34:1

Josia yaali ni mihiga 8 lwa yaatanga kwamiiha kuli mwami wi Ivuyuda. Yamiha mu Jerusalemi ku mihiga 31.

2 Kyetsinyinga 34:3

Mu muhiga gwa munane lwa Josia yaali mwami, lwa yaali nakikiri muyaayi yaatanga kusigamira Nyasaye wa guuga weve mwami Daudi. Inyima wi mihiga jine, yaatanga kwononyia havundu hu kusigamira misambwa, vifananyi viu munyasaye wi kikali Ashera, kandi ni vifananyi vindi viosi.

2 Kyetsinyinga 34:8

Mu muhiga gwa 18 gwi liamiiha liu mwami Josia inyima wa yaali ni yakatakasa kivala ni Litembeli lia yahova, yatuma avasaza 3 kuzia kolomba hi Litembeli lia Nyasaye lialii nilioneki; vaali Shafani muyaayi wa Azalia, Maaseia mwamihi wa Jerusalemi kandi Joashi muyaayi wa Joahazi mung'odi munene.

2 Kyetsinyinga 36:15

Yahova Nyasaye wa vaguuga vaavo yaazizagilira kutuma avaporofeti ukwiganihiza avandu veve kigira yenya kuvahonyia kandi kosoola Litembeli lilie.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Kutwula 8:20

Yahova yavolera Musa, “Mugambazuri muzie kwagana nu Mwami lwava nazizaa ku mugera, na mumuvolere ndi, ‘Aleke vandu vange vazie kunangwa vaduuki kusigamira.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Jeremia 1:2

Yahova yamoloma ku Jeremia mu muhiga gwi likomi na jivaga gwi liamiiha lia Josia mwana wa Amoni, yaali mwami wi Ivuyuda.

Jeremia 11:7

Lwa ndaaleeta avaguuga vaavo kutura mukivala cha Egebeti, ndaaviganihiza vatie inzi. Ndaazizagilira ku viganihiza kali kuduuka na kalunu.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 25:4

Kali niiva Yahova yaazizagilira kutuma ku mwinyi avatumikiri veve avaporofeti, navuzwa si mwenya kuhuliriza mba.

Jeremia 26:5

kandi mutegizi amatu ku amang'ana gavatumikiri vange, avaporofeti, avandaazizagilira kutuma kumunyi vuli lwosi. Munyi simwatia agavavoola kali hakuzu mba.

Jeremia 29:19

Yaga galakoleka kuvo kigira si vahulira amakuva gandazizagilira kutuma kuvo kuvitira ku avatumikiri vange avaporofeti, navuzwa sivahulira.

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 35:14

Ivisukulurwi via Jonadabu vamali kutia malago geege kuvula kunwa iwaini, kandi kuduuka na lero avulaho umundu kali mulala unwezaa iwaini mba. Navuzwa inzi nzizagilira komoloma ku munyi na simutizaa inze mba.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 36:1

Mu muhiga gwa kane gwa Jehoyakimu mwana wa Josia yaali mwami wi Ivuyuda, Yahova yamoloma na inzi,

Jeremia 36:2

“Vugula ikaratasi ilingiywi na ong'ode ku amakuva goosi agaamali kokovoolera kigira avandu va Isiraeli na avandu vi Ivuyuda kandi ni zihiiri ziosi. Ong'ode amakuva goosi agandakovolera kutura ing'inga ya ndamoloma ku ivi mulitanga, lwa Josia yaali mwami kuduuka lero.

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Jeremia 7:25

Kutura ing'inga ya avaguuga vinyu vatura mukivala cha Egebeti kuduuka ing'inga yene yiyi, ndaazizagilira kutuma avatumikiri vange avaporofeti ku munyi.

Ezekieli 33:4

Niiva umundu alahulira navuzwa achaye kandi musigu yaze ma amwiti, maku aladulwa kigira likuza lilie mwene.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Marko 1:35

Yeso yavuka mugambazuri chova nikikiri imwamu, natura munyumba. Yatura ichova wi lidaala nazia havundu ha avandu vaali nivataveeye nasalira ho.

Yohana 8:2

Mugambazuri mumavwevwe, Yeso yirana mu Litembeli. Avandu vosi vazia kuye, nivamukumbiriza naye yikala hasi naavigiza.

Yohana 8:47

Uyu oveeye wa Nyasaye ahuliraa amakuva ga Nyasaye. Navuzwa munyi muvura kugahulira kigira munyi simuveeye avandu va Nyasaye mba.”