Jeremia 25:16 - KITABU KITAKATIFU

¹⁶ Lwa vanwa iwaini yiyi, valayekayeka kuli avahambiku kandi valagota zing'anagani, kigira iliihi liandumaa hagati haavo.”

Jeremia 25:16 Iomraidhean Croise

Jeremia 13:12

Yahova Nyasaye yambolera, “Jeremia ovolere avandu va Isiraeli ndi vizulizi vuli ijuba yi iwaini ni iwaini. Valativura ndi vamanya vuli ijuba yi iwaini kuduuka yizuri iwaini.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Jeremia 48:26

Yahova yavoola, “Munyi avandu va Moabu, mulakolwa kuva kuli avahambiku, kigira mumali kwibaala ku inzi. Mulagalagala mu maluki ginyu aveene, kandi avandu valamusekeriza.

Jeremia 51:39

Lwavava ni vaveeye ni nzara, ndavalombera lilia, kandi ndavakora valie kandi vanwi ni vasaangala. Valagona na sivalavuka kandi mba.

Jeremia 51:7

Avandu va Babiloni vaali kuli kekombe chi zahabu mu mukono gwange, ichaloomba kivala choosi kuhambika. Zihiiri zianwa iwaini ma nivararuka.

Lisyoma lya Jeremia 3:15

Yanwehiza amazi malulu kuzingulu, kandi ninzigutiza niviukulia kandi niviukunwa vilulu.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Obadia 1:16

Avandu vange vamali konyoora mageri amalulu ligali ku kiguru change kitakatifu. Zihiiri ziosi ziveeye ahimbi zilanyoola mageri, zilazizagilira konyoora mageri malulu ligali. Ziosi zilanyoola mageri goosi nukudiva ligali.

Nahum 3:11

Munyi avandu va Nineve, mulakahambiki! Mulakagelizi kwiluka kutura ku vasigu vinyu.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 14:8

Engelosi wa kaviri yavoola, “Ligwiyi, ligwiyi, lidaala linene lia Babiloni lianwehiza zihiiri iwaini yalio, iwaini induru yi likayirwa lio ovoheyi.”

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”