Jeremia 25:12 - KITABU KITAKATIFU

¹² Inyima wi mihiga 70, ndahaana amageri ku zihiiri ziosi harara nu mwami wa Babiloni kigira uvwoni vwavo. Ndadiviza kivala yiki ligali na kilatigala amang'anye mihiga ni mihiga.

Jeremia 25:12 Iomraidhean Croise

2 Avami 24:1

Lwa Jehoyakimu yaali mwami wi Ivuyuda, mwami Nebukadineza wa Babiloni yingilira kivala chi Ivuyuda, ku mihiga givaga, Jehoyakimu yanigwa kuva haasi hu vwamihi vwa Nebukadineza, maku, ni yibaala.

2 Kyetsinyinga 36:22

Mu muhiga gwu kutanga gwu vwamihi vwu mwami Sairasi wa Pasia, Yahova yakola aga yaali navooye kuvitira mu muporofeti Jeremia kuva agiligali. Yaavukiza mwoyo gwu mwami Sairasi ukuhaana lilaga yili na kulituma ichova mu mang'oda gasomwe vudinyu havundu hoosi mu vwami vwivwe:

Zaburi 137:8

Munyi avandu va Babiloni, muladivizwa ligali. Aveeye nuvugasu mundu uvanzira kunyi kisaalia ku munyi kigira aga mumali kokokolera.

Isaya 13:19

Lidaala linene lia Babiloni liveeye lilahi ligali kandi liu vukumi vwu uvwami uvulahi kuvita amadara gandi goosi, liveeye lidaala liu kuyaanziza avandu valio. Navuzwa inzi, Yahova ndalidiviza kuli ndakora ku amadara manene ga Sodoma na Gomora.

Isaya 14:23

Ndakora kivala yiki kuva havundu hi vilungu komenya, kandi ndakekola kuva madavalia ga amazi, kandi ndeya kivala yiki na amenyo gu kudiviza. Inzi Yahova Wuvunyali mali kovora.”

Isaya 15:6

Amazi gu mugera gwa Nimuraimu gakami, uvunyasi voveeye ku lujinga lwagwo vuniaye; uvulimu vwumi sikeveeye ni kindu kivisi sikitigaye ho mba.

Isaya 20:1

Mwami Sagoni wa Asiria yahaana lilago ku avanene veve vi liihi lia Asiria kwingilira Filisitia lidaala linene lia Ashidodi.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 46:1

“Yiki nekeheri cha Beli na Nebo, avanyasaye va Babiloni, avasigamirangwa mu litanga; navuzwa kalunu vagingiywi ku zibunda, uvuliduhu ku migongo ji zinyama ziiluhi.

Jeremia 23:2

Yaga nigo aga Yahova, Nyasaye wavandu va Isiraeli avoora kigira aviimiliri vaduukana vahendere avandu vaavo mwoyo: “Simwahendera avandu vange mwoyo mba; Mwamala kuvasalanyia nukuvakunga vazie ihale. Kalunu nziza kumuha amageri kuvudamanu vwamumali kokora.

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 27:22

Vilavugulwa na vilahirwa Babiloni na vilavayo kuduuka lwa ndiganagana kuvio. Maku ndavilanyia kandi ndaviviika havundu hano. Inzi Yahova mali kovora.”

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Jeremia 29:10

“Yahova avoora, ‘Lwi mihiga 70 jimalirika ni muveeye mu Babiloni, ndaaza kumugeniha kandi ndaduukiza lilagana liange ku munyi na ndamwilanyia mu kivala cha Isiraeli.

Ezekieli 35:9

Ndamukora kuva hazwa mihiga ni mihiga, mundu kali mulala si alakamenye mu madaala ginyu kandi mba. Maku mulakamenye ndi, Inzi mbeeye Yahova.

Danyeli 9:2

Mu muhiga gwu kutanga gwi liamiiha lilie, ndaali ni soma vitabu vitakatifu kandi ninganagana ku mihiga 70 ji lidaala lia Jerusalemi liali live mulidivizwa kolondekana ku makuva ga Yahova yaali na mali kovoolera muporofeti Jeremia.

Habakuk 1:17

Valazizagilira kutumikira vivavi viavo zing'inga ziosi nu kudiviza zihiiri vugira zimbavasi?