Jeremia 24:10 - KITABU KITAKATIFU

¹⁰ Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 24:10 Iomraidhean Croise

1 Avami 14:15

Yahova alahaana mageri ku Kivala cha Isiraeli, kandi kiladegera kuli kidundu kedegeraa mu mugera gwa mazi. Aliiha vandu va Isiraeli vatuli mu kivala kilahi yiki cha yahaana ku vaguuga vaavo, kandi alavasalanyia ihale engereka wu mugera gwa Efurate, kigira vamali kuvukiza vutima vwivwe, ku lisigamira munyasaye wikikali Ashera.

Isaya 51:19

Uvuvi yivu vwombi vukugwiliyi. Uvwoneku ni lidiviza, inzara ni liitwa nivwaha ukovelerera? Nivwaha okoleminya mwoyo?

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 15:2

Lwa vakoteeva wavanyala kuzia, uvavoolere ndi inzi malikovoola: Valala kuvo valakuza kigira vulwaye, wene yeyo niyio wavalizia! Avandi valakuzira muvulwani wene yeyo niyio wavalizia! Avandi valakuza kigira inzara! Na avandi valahirwa kuli avahambe wene yeyo niyio wavalizia!

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 21:9

Umundu woosi ulitigala mu lidaala nayitilwi mu vulwani, anoho aliitwa ninzara anaho nuvulwaye. Navuzwa kuwosi ulitula ichova niyihaana ha vandu va Babiloni, avingiliraa lidaala, sialitwa mba; alahononokiza livamwoyo lilie.

Jeremia 27:8

“Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 29:17

Yahova Wuvunyali avoora, ‘Inzi ndaleta kuvo iliihi, inzara enene ligali kandi uvulwaye, kandi ndavakora vave kuli amakuyu gaguunda agaveeye amadamanu ligali kali agatanyala kulivwa mba.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 32:24

“Avandu va Babiloni vamali kwumbaka vitumi kukumbiriza lidaala linene kandi kuligumira nu kulingilira. Liihi, inzara enene kandi vulwaye vilalomba lidaala linene yili kuva mu zinguru zia avandu va Babiloni. Goosi aga walaga gamali kuduukizwa.

Jeremia 32:25

O, Yahova Mwami Munene, ivi walaga inzi kugura mulimi imbiri wa avaloli, kali niiva lidaala linene yili liveeye ahimbi kugumirwa na avandu va Babiloni.”

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Jeremia 42:17

Avandu vosi avamali kotovola kuzia komenya mukivala cha Egebeti, valakuzira mu liihi anoho valakuza kigira inzara anoho uvulwaye. Sialakaveho nu mundu kali mulala kuvo ulitigala anoho ulihona kutura mu kivi cha nandete kuvo mba.’

Jeremia 42:22

Kunangwa kalunu, mwizurizi yaga: Mulakuzira mu liihi anoho mulakuza kigira inzara anoho uvulwaye mukivala cha Egebeti uwamutovoye kuzia komenya.”

Jeremia 5:12

Avandu va Yahova vamali kumusura kandi vavoola, “Yahova sianyala kokora kindu kukunyi mba. Uvudamanu sivulaza kukunyi mba, kandi si kulava nu vulwani anoho inzara mba.”

Jeremia 9:15

Kunangwa huliri aga inzi Yahova Wuvunyali, Nyasaye wa avandu va Isiraeli nziza kokora: Inzi ndaha avandu vange ivitagwa vilulu valie kandi isumu vanwi.

Jeremia 9:16

Ndavasalanyira muzihiiri ziayavo kali avaguuga vaavo vakiri kuzihulira ku, kandi ndavatumira amahi gavingiliri kuduuka lwambadiviza ligali.”

Ezekieli 33:27

“Uvavoolere ndi inzi, Yahova Wuvunyali, mbiganihizaa ndi, kuli mbeeye ligali Nyasaye oveeye mwoyo, avandu vamenyi mu madaala manene gaveeye mang'anye valitwa. Yavo avamenyaa mukivala valalivwa ni zinyama ziu muvulimu. Yavo avivisaa mu vigulu kandi mu zimbangaywa valakakuzi kigira vulwaye.

Ezekieli 6:11

Mwami munene Yahova avoora, “Mukubage makono ginyu! Muduyi hasi virenge vienyu! Muliri novovereri kigira uvudamanu vwosi kandi vindu viosi vielivihilirizwa via vandu va Isiraeli vamali kokora. Vazizaa kukuzira mu vulwani, inzara, kandi vulwaye.

Ezekieli 7:15

Lilwaana liveeye mu zinzira, kandi vulwaye ninzara viveeye mu zinyumba. Mundu woosi oveeye mu mulimi alitirwa yo ni kivavi, na ku oyo oveeye mu lidaala linene inzara nu vulwaye vilamudiviza.

Kwidzulitsa 28:21

Yahova alamutumira zinguzu zindamanu kuduuka mudivizwi mwosi, mukiva cha wingira mu.

Likunula 6:8

Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.