Jeremia 23:6 - KITABU KITAKATIFU

⁶ Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 23:6 Iomraidhean Croise

1 Avami 4:25

Ku lohono lwa yaali mwoyo kuli mwami, avandu muvivala viosi vie Ivuyuda na Isiraeli kutura Dani kuduuka Beerisheba vamenya mu mirembe; vuli vandu vinyumba vaali ni vizabibu kandi makuyu gaavo.

Zaburi 45:5

Mivano juvuta vuvwo jiveeye miugi ligali; jitozaa mioyo ja vasigu vovo, zihiiri zigwizaa hasi hi virenge vivio.

Kutwula 9:26

Kivala cha Gosheni, mwa avandu va Isiraeli vamenya niho havundu havula kuva niimbura ya magina.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 32:1

Lidiku lilala alakaveho Mwami uliamiihi ni likalaga lirungi, kandi aviimiliri vizihiiri valakimiliri nu vulungi.

Isaya 32:18

Avandu va Nyasaye valava avavoholore kutura mu lihenda mwoyo liavo. Hango haavo halava hovomenyo vwi likingwa kandi hi mirembe.

Isaya 33:22

Kigira Yahova aveeye mukalagi wiitu; alakakohonyie.

Isaya 33:5

Yahova aveeye munene ligali! Yamiha vuli kindu. Alahana ku Jerusalemi likalaga lirungi kandi nuvulungi

Isaya 35:9

Zisimba si zilakave havundu yaho mba; zinyama zinduru si zilavitira kunzira yeyo mba. Yavo ava Yahova yasoola, nivo avaligenda kunzira yeyo nukuzia yengo.

Isaya 42:6

“Inzi Yahova, mali kumulanga kandi mali kumuha uvunyali. Kolola ndi, likalaga liu vulungi likolangwa ku lirova. Ndalomba lilagana liange na ivi kulwa vandu vosi, kandi ndaleta uvulavu ku zihiiri ziosi.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 29:11

Inzi manyirizi ligali lilohiza liange ku munyi, lilohiza lie zing'anagani zindahi, zitaveeye zindamanu mba; lilohiza liu kuhaana ligasizwa kandi lisuuvirizwa mu ing'inga yizaa.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Ezekieli 21:27

Hazwa! Hazwa! Inzi ndakora lidaala yili kuva hazwa! Navuzwa yaga si galakoleka mba kuduuka mundu uwa inzi mali kotovola kuhaana mageri ku lidaala yaza. Maku inzi ndakamuhe.

Ezekieli 28:26

Valamenya mu kivala yiki mu mirembe. Valakumbake zinyumba kandi valakalimi milimi nukutaga Mizabibu. Ndahaana mageri ku zihiiri ziosi zia vaakolera kehenyahenye, kandi vandu va Isiraeli valakamenye mu mirembe. Maku valakamanye ndi Inzi mbeeye Yahova Nyasaye wavo.”

Ezekieli 38:14

Kunangwa Yahova Wuvunyali yanduma mbolere Goga aga yavoola kuye: “Kalunu lwa vandu vange Isiraeli vamenyi mu likingwa, ulatula

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Danyeli 9:7

Ivi, Yahova, zing'inga ziosi okolaa agaveeye malungi, navuzwa kunyi kweletera zisoni zing'inga ziosi. Yaga gaveeye agiligali kukunyi vosi avamenyi mu kivala chi Ivuyuda kandi mu lidaala lia Jerusalemi kandi avandu vosi va Isiraeli vawasalanya muvivala via himbi ni ihale kigira sivali avasuuvirifu ku ivi mba.

Hosea 1:11

Avandu va Isiraeli kandi avandu vi Ivuyuda valakahambane harara. Valaketovolere aveene mwimiliri mulala, kandi valazizagilira konyoora uvutugi mu kivala chavo aveene. Yee, Lidiku lia Jezireeli lilava linene ligali!

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Obadia 1:17

“Navuzwa ku kiguru cha Ziyoni avandu valala valakahononoke, kandi halakave havundu hatakatifu. Avandu va Yakobo valakavuguli kivala keveeye chavo ku vulungi.

Obadia 1:21

Avasaza vaguuti kutura Jerusalemi valakazie kwingilira kivala cha Edomu nukuchamiiha. Yahova mwene alakave Mwami.”

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 3:10

Mu lidiku yilio, mundu sa mulala kumunyi alakagenihizi mutende weve muchiriri chu muzabibu gwigwe kandi mu chiriri chu musaala gwu mukuyu gwigwe.”

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.