Jeremia 23:4 - KITABU KITAKATIFU

⁴ Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 23:4 Iomraidhean Croise

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Ezekieli 36:11

Ndakora vandu kandi zing'ombe komedeka. Mulava avanyingi kuvita maziambiri. Ndaleka mumenye mu kivala yiki kuli mwamenyaa mucho maziambiri; kandi ndamukora kuva vatugi kuvita ing'inga yindi yoosi. Maku mulakamanye ndi inzi mbeeye Yahova.

Kyavalevi 26:9

Ndamugasiza kandi ndamuha avana avanyingi. Ndasingiliza nokudinyiliza lilagana liange lia ndalomba nimunyi.

Mika 4:4

Navutswa vandu vosi valamenya mu mirembe hagati he milimi je mizabibu jije ni misaala ji mikuyu, na sihalavaho nu mundu kali mulala unyala kuvatihiza mba. Yahova Wuvunyali umali kulaga yaga.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Livalidza 31:49

ni vavoola, “Mwami, kuuvalizi vandu vi liihi ma konyooye sihaveeye ho kali mulala wagota mba.

Yohana 17:12

Lwa ndaali navo ndavalinda vulahi kuzinguru zie lieta liilio, lieta lia wamba. Ndaavalinda, kandi avulaho kali mulala wagota ku yavo nataveeye oyo mwana wu vudivi, uwalagilwa kogota; kunangwa agang'odwa mu Mang'oda Matakatifu gaduuki kuduukizwa kuva agiligali.

Yohana 18:9

Yavoola yaga ku gaduuki kuduukizwa kuva agiligali aga yavoola: “Baba yavo avawaamba avula ho kali mulala wandagotiza.”

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.