Jeremia 23:25 - KITABU KITAKATIFU

²⁵ Ndaamanya vaporofeti yavo kovora avavoora ovovehi mu lieta liange kandi vekola ndi inzi mali kuvaha amakuva gange mu maloto gaavo.

Jeremia 23:25 Iomraidhean Croise

Litanga 37:5

Lidiku lilala Josefu yalota, na lwa yavolera avamwavo veve, vaamudunyira ligali.

Litanga 37:9

Maku Josefu yaali na maloto gandi kandi navolera avamwavo veve, “Inzi ndaali na maloto gandi, na ndaalora liuva, mweli kandi zing'ereng'ani 11 niziisigamira.”

Zaburi 139:2

Ivi umanya inzi kandi vindu viosi viangolaa; ivi umanyirizaa zing'anagani ziange ziosi kali noveeye ihale.

Zaburi 139:4

O, Yahova, kali ningikiri komoloma likuva liosi, ivi umanyi cha nziza kovora.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 14:14

Navuzwa Yahova yativura, “Avaporofeti yavo vavoola ovovehi mu lieta liange; Inzi si ndaavatuma mba, anoho si ndaavalaga anoho kuvavoolera likuva kali lilara kuvo mba. Amalola gavaporofeta si gaturaa ku inzi mba. Ovoporofeti vwa amalola gaavo voveeye vindu via vuzwa kandi vwi zing'anagani ziuvugadi.

Jeremia 16:17

Inzi ndolaa vindu viosi viavakola. Sikeveeyeho ichaaviswa kutura ku inzi mba; ndolaa uvwoni vwavo.

Jeremia 23:28

Muporofeti oveeye namaloto avoole yaga namaloto vuzwa, navuzwa muporofeti uhuliyi likuva liange gamuduukira alandizi likuva yilio muvusuuvirifu. Nivulahiki ovoveeye mu mukuuzi nogeranyia niingano?

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Jeremia 27:10

Avandu yava vamugada na valamukola muvugulwi kandi muhilwi ihale ligali kutura mukivala chiinyu. Ndamukunga kutura mukivala yiki, kandi muladivizwa.

Jeremia 27:15

Yahova mwene amali kovora ndi si yatuma avaporofeti yavo kumunyi kovora makuva gu vugadi mulieta lilie mba. Kulwayago alamukunga kutura mukivala yiki, munyi harara na avaporofeti avavooraa uvugadi kandi muliitwa.”

Jeremia 29:23

Yiki kilava ikivi kuvo, kigira valoleki kuva nuvwoni uvudamanu ligali. Vamali kokora ovoheyi kandi vamali kovora ovovehi mu lieta lia Yahova. Yaga gaali amadamanu ku Yahova; yamanya ligali agavamali kokora, kandi aveeye mulolekizi kuvo. Yahova Wuvunyali umali kovora.”

Jeremia 29:8

Inzi Yahova, Nyasaye wa avandu va Isiraeli, mwiganihizaa ndi, mutaleka avaporofeti, avasigitiri na avakumu avamenyi hagati hinyu vamugade mba. Mutahulirizi ku maloto gaavo mba,

Jeremia 8:6

Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

Ezekieli 22:28

Vaporofeti vamali kuvisa uvwoni yivu kuli avandu vavaki lidigi no vodohi uvulavu. Valora malola govovehi kandi vakora vusigitiri vwuvugadi. Vekola vamoloma makuva ga Yahova Wuvunyali, navuzwa Inzi, Yahova, si molomi navo mba.

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Zekaria 13:3

Niiva mundu woosi alazizagilira koporofeta, baba weve na mama weve valamwiganihiza ndi ivi siulava mwoyo mba, kigira ovola makuva gu vugadi mu lieta lia Yahova. Niiva si alahulira lieganihiza yili, baba weve na mama weve vamwivula valamutoza nu kumwita lwava naporofetaa.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Matayo 1:20

Navuzwa lwa yaali nakiganagana ku likuva yili, henza, engelosi wu Mwami Nyasaye yaloleka kuye mu maloto, namuvolera, “Josefu, ikisukululwi cha Daudi, utatia kuvugura Maria ave mukali woovo mba, kigira ichaaverekwa muye keveeye cha Roho Mutakatifu.

Luka 12:3

Kulwa yaga, goosi agamwavoolera mu kisundi, avandu valagahulira mu mbasu, na goosi agamwamonyera mu vwivisu, viliango nivihaniywi, galakalandizirwi ku visegese vie zinyumba.”

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.