Jeremia 23:24 - KITABU KITAKATIFU

²⁴ Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Jeremia 23:24 Iomraidhean Croise

Litanga 16:13

Hagari yalanga Yahova uwamoloma kuye navoora, “Ivi oveeye Nyasaye ololaa? Gaveeye giligali inzi mali kolola Nyasaye, kandi mbeeye mwoyo inyima wamali kumulora?”

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

2 Kyetsinyinga 2:6

Navuzwa nivwaha unyala ligali kumwumbakira Litembeli, kigira ligulu, kali niiva igulu ligali wu mwigulu sivanyala kumuduuka? Kunangwa mbeeye vwaha nduuki kumwumbakira Litembeli, niilitali vuzwa havundu hukusamba kimuli imbiri weve?

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Ayubu 34:21

Nyasaye ahenzerizaa zinzira zia vandu, kandi alolaa havundu hoosi aha azizaa.

Ayubu 34:22

Sihaveeye ho ni kisundi kenene ligali, anoho ichiriri kimwamu ligali, uwa avakoli vuvudamanu vanyara kwivisa mba.

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 139:7

Nyara kuzia haliha kwiruka kutura ku ivi? Nyara kuzia haliha nduli imbiri woovo?

Zaburi 139:8

Kali ninzia kuduuka mwigulu, ivi oveeye yo: kali niimba ning'onaa hasi mu kilindwa; ivi oveeye mu.

Zaburi 148:13

Leka vosi vizominye Yahova! Lieta lilie liveeye linene kuvita gandi goosi; uvukumi vwivwe voveeye igulu wi lirova ni ligulu.

Zaburi 90:8

Ivi uviikaa uvwoni vwitu imbiri woovo. Uvikaa uvwoni vwitu vwumuvwivisu aha unyala kuvolola.

Tsing'ano 15:3

Yahova alolaa chekoleka havundu hoosi, akohezaa lwa kokoraa vulahi anoho vudamanu.

Isaya 29:15

O, vayaayi, kivi keveeye ku munyi, avavisaa lienya liavo ku Yahova! Vakora gaveenya mu kisundi ma vaganagana ndi siaveeyeho numulala unyala kuvalola anoho kumanya agavakola mba.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 16:17

Inzi ndolaa vindu viosi viavakola. Sikeveeyeho ichaaviswa kutura ku inzi mba; ndolaa uvwoni vwavo.

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Jeremia 49:10

Navuzwa inzi mali kokora visukululwi via Esau kuva chahonyo ligali, kandi kulang'aminya havundu haavo hu kwivisa, kunangwa vavuli kwivisa kandi mba. Avandu vosi va Edomu vadivizwi. Siaveeye ho kali mulala utigaye mba.

Ezekieli 8:12

Maku Nyasaye yambolera, “Mwana wu Mundu, ololaa agaviimiliri va Isiraeli vakora mu vwivisu? Vosi vaveeye mukeng'oze chizuuyi vifananyi kandi vavisigamiraa. Vavola ndi, Yahova akolola mba! ‘Yahova umali koleka kivala.’ ”

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Danyeli 2:22

Avuulaa ivindu viveeye musi kandi vievisu; amanyaa viosi viaviswa mu kisundi, naye mwene uvulavu vwa mukumberiza

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Vafeso 1:23

iliveeye muviri gwa Kristo, uvudukiru vwa uyu umwene utwekizaa vindu viosi havundu hoosi.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.