Jeremia 23:22 - KITABU KITAKATIFU

²² Niiva vakamanyi zing'anagani ziange ziumuvwivisu, ngano vakalandizi likuva liange ku avandu vange kandi ngano vakavakoli koleka limenya lidamanu liavamenyaa kandi ni vindu viuvuchamu viavakola.

Jeremia 23:22 Iomraidhean Croise

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 23:18

Inzi ndavoora, “Siaveeyeho ku vaporofeti yava wamanyiriza zing'anagani zia Yahova ziumuvwivisu mba. Siaveeyeho kuvo wahulira anoho wamanyiriza likuva lilie, anoho kali wahuliriza nokotegiza amatu geege ku aga yavoola mba.

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 36:3

Namusia lwa avandu vi Ivuyuda vahulira kigira lidiviza liasaaviraa koleta kuvo, valagirung'ana kutura kuzinzira ziu vudamanu. Maku ndavasamiiha uvudamanu vwavo kandi uvwoni vwavo.”

Jeremia 9:12

Inzi ndaateva, “Yahova, kigira ki kivala chasambwa kandi chayumba kuli changalangwi, kunangwa umundu kali mulala sianyala kuvitiramu mba? Nivwaha oveeye umugeri kumanyiriza yaga? Nivwaha wawavoolera yaga kunangwa aduuki kovoolera avandi?”

Ezekieli 13:22

“Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Ezekieli 13:5

Sivinyala kulinda havundu ha madigi gaayavuguka mba, anoho sivinyala kwumbaka uvuhia madigi ga vandu va Isiraeli mba. Kulwayago Isiraeli sinyala kukingwa lwu vulwani navuuzi ku lidiku liange lia Yahova mba.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Ezekieli 2:7

Ivi kuduuka ulavavolera amakuva gange, kali niiva valahulira anoho valasura kuhulira, kigira vaveeye avandu vibaali.

Ezekieli 3:17

Yavoola, “Mwana wu Mundu, Inzi ngokoraa musikari ku ihiiri ya Isiraeli. Ivi ulavavolera amiganihizu gangovolera.

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Malaki 2:6

Vigiza gaali amalungi, na vuzwa si vigiza gaali madamanu mba. Vamenya mu lihulirizana kandi mu mirembe na inzi. Si vaakora vuzwa gaali malungi kuvo vene mba, navuzwa vakonya kandi vandu vandi avanyingi vavuli kokora vudamanu.

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

1 Vatesalonike 5:6

kunangwa kutagona kuli avandi vakora, navuzwa kulindi kazozo kandi kove novogeri.