Jeremia 23:21 - KITABU KITAKATIFU

²¹ Yahova yavoola, “Sindaatuma vaporofeti yava mba, navuzwa kalindio vazia. Sindaavaha likuva liosi mba, navuzwa vamoloma mulieta liange.

Jeremia 23:21 Iomraidhean Croise

Isaya 6:8

Maku ndahulira Yahova navoora, “Nivwaha wanyala kutuma? Kandi nivwaha unyala kuva mutumwa wiitu?” Maku ndavoora, “Inzi mbeeye hano nduma!”

Jeremia 14:14

Navuzwa Yahova yativura, “Avaporofeti yavo vavoola ovovehi mu lieta liange; Inzi si ndaavatuma mba, anoho si ndaavalaga anoho kuvavoolera likuva kali lilara kuvo mba. Amalola gavaporofeta si gaturaa ku inzi mba. Ovoporofeti vwa amalola gaavo voveeye vindu via vuzwa kandi vwi zing'anagani ziuvugadi.

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Jeremia 27:14

Mutahuliriza amakuva ga avaporofeti avamuvoleraa muvuli kutumikira kandi kwegehiza imbiri wu mwami wa Babiloni mba. Vaveeye avaporofeti vu vugadi.

Jeremia 27:15

Yahova mwene amali kovora ndi si yatuma avaporofeti yavo kumunyi kovora makuva gu vugadi mulieta lilie mba. Kulwayago alamukunga kutura mukivala yiki, munyi harara na avaporofeti avavooraa uvugadi kandi muliitwa.”

Jeremia 28:15

Maku ndavolera Hanania ndi, “Huliriza, Hanania! Yahova si yatuma ivi mba, kandi okoli avandu yava kusuuvira ovovehi.

Jeremia 29:31

“Tuma amakuva ku avandu vosi vi lihaminywa mu Babiloni, uvavoolere ndi, kigira Shemaya amali koporofeta ku munyi lwa inzi ngikiri kumutuma, kandi amukoli kusuuvira ovovehi,

Jeremia 29:8

Inzi Yahova, Nyasaye wa avandu va Isiraeli, mwiganihizaa ndi, mutaleka avaporofeti, avasigitiri na avakumu avamenyi hagati hinyu vamugade mba. Mutahulirizi ku maloto gaavo mba,

Jeremia 29:9

kigira vaporofeta ovovehi ku munyi mu lieta liange. Inzi si ndaavatuma mba. Inzi Yahova Wuvunyali, mali kovora.’

Yohana 20:21

Yeso yavavolera kandi, “Mirembe jive ku munyi! Kuli Baba yanduma, kandi nainzi nduma munyi.”

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”