Jeremia 22:6 - KITABU KITAKATIFU

⁶ “Inyumba yu vwami yi Ivuyuda eveeye indahi ligali ku inzi kuli kivala cha Gileadi, kandi kuli vigulu via Lebanoni; navuzwa ndagekola eve kuli changalangwi, havundu ha avandu vatamenya mba.

Jeremia 22:6 Iomraidhean Croise

Litanga 37:25

Lwa vaali nivalizaa, nonoho valora muganda gwa vandu va Ishimaeli nivageenda kutura Gileadi. Zing'amia ziavo ziali nizigingi kimuli na manemane.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Lwimbu lwa Solomoni 4:1

muyanze wange, oveeye wiligondo lilahi ligali! O, Oveeye mulahi ligali! Zimoni zizio zing'ereng'ana nu vuyanzi musuuka yooyo. Liisu liilio livinaa kuli chayo chi zimburi zisulungutaa kutura ku vigulu via Gileadi.

Lwimbu lwa Solomoni 5:15

Vilenge vivie viveeye vilungi kuli zitiru zialombwa ku muse gwa magina gi zahabu. Aveeye nu vukumi kuli vigulu via Lebanoni harara ni midaragwa mitambi.

Isaya 27:10

Lidaala linene liembinga litigaye mang'anye. Liing'anyiywi kuli ligendanyama iliere. Ligwiyi uvwayiru vwi mitugu, aha ginyala kososera nukwaaya.

Isaya 37:24

Watuma avatumikiri vovo ukuuza kwigingira ku inzi ndi ivi wamala kuguuta ivigulu vitambi kuvita ligali via Lebanoni na magare googo goosi gu vulwani. Wigingira ndi, kukigulu kwene yikwo, watema midaragwa mitambi ligali kandi misaala mitovole jindi ma kandi waazia kuduuka havundu haveeye musi ligali mwi militu.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Jeremia 21:11

Kandi, ovoolere vwami vwa vandu vi Ivuyuda, “Muhuliri likuva lia Yahova;

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 22:24

Yahova yavolera mwami Jehoyakini mwana wa mwami Jehoyakimu umwami wi Ivuyuda, “Ligali kuli inze mbeeye Nyasaye omenya, kali niiva wakaveeye kuli imingiri yu muhuri ku mukono gwange mulungi, ndaakakusiluli kutura ku inzi

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 4:20

Ikivi kilala kelondekana nikindi; kivala choosi kimali kugwa mang'anye. Nonoho amahema giitu gononyiywi; zisuka ziago zitanduranyiywi muvidonye.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 50:12

navuzwa lidaala lienyu linene lilagehizwa kandi lilava muzisoni. Babiloni ilava ihiiri yinyima ku ziosi; lilava liumu kandi lilagwa changalangwi.

Jeremia 7:34

Kivala yiki kilagwa ichangalangwe. Mu madaala amanene gi Ivuyuda kandi mu zinzira zia Jerusalemi, ndaheriza uvusangari kandi uvuyanzi vwa oyo osererwa kandi osereranga.

Jeremia 8:22

Lunyasi luvulaho mu Gileadi? Avaahi vi zinyasi vavulayo? Kigira ki avandu vange sivanyooye lihona mba?

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zekaria 11:1

Mwiguli viliango vienyu, O, Lebanoni, kunangwa muliru guduuki kusamba ligali misaala ji midaragwa jinyu!

Livalidza 32:1

Zihiiri zia Rubeni ni zihiiri zia Gadi ziali ni mitugu minyingi ligali. Lwavaalora kuli kivala cha Jaza na Gileadi chayaanziza mitugu jaavo,

Kwidzulitsa 3:25

Ngusaala O, Yahova, oleke nyambuki mugera gwa Jorodani ndore kivala kilahi kandi kenoru kolovega Lundi lula; kivala kilahi chi vigulu via Lebanoni.’