Jeremia 22:26 - KITABU KITAKATIFU

²⁶ Ndakuniga harara na mama woovo kuzia mu lihaminywa. Mulazia mukivala cha mutiivulwa mu mba, na vombi mulakuzira uwene yeyo.

Jeremia 22:26 Iomraidhean Croise

2 Avami 24:15

Nebukadineza yaahira Jehoyakini mu Babiloni kuli umuhambe, harara na mama weve, vakali veve, vanene veve na vasaza vimiliri vosi vi Ivuyuda.

2 Avami 24:8

Jehoyakini yaali ni mihiga komi na nane lwa yagwa mwami wi Ivuyuda, na yamiha mu Jerusalemi ku mieli givaga. Mama weve yaali Nehushita, mukaana wa Elinazani kutura Jerusalemi.

2 Avami 25:27

Mu muhiga gwa Evili-Merodaki yagwa mwami wa Babiloni, yamanyia zimbavasi ku mwami Jehoyakini wi Ivuyuda ku limuvoholola kutura mu jera. Yaga gekoleka ku lidiku lia Sirini na saba liu mweli gwa komi na mbiri gwu muhiga wa salasini na saba inyima wa Jehoyakini yaali navuguliywi kuli muhambe.

2 Avami 25:29

Kunangwa Jehoyakini yahevwa munwa kugirung'ana kutura mu zinguvu zizie ziu vuhambe kandi kuzia kulia harara nu mwami kazozo mu livamwoyo lilie liatigala liosi.

2 Avami 25:30

Vuli lidiku ku lohono lwa yaali mwoyo, yahevwaa amabese gu vutumiki vwa kazozo vwi lienya lilie.

Isaya 22:17

Unyala kuva wi kivuni, navuzwa Yahova alakuvugula kandi akusiuvi ihale ligali.

Jeremia 10:18

Yahova azizaa kumusiuva ichova wikivala yiki; alamusionolanyia kali mulala kumunyi sialatigala mba. Yahova umali kovora.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Jeremia 16:13

Kunangwa, ndamusiuva ichova wikivala yiki, kivala chamunyi anoho avaguuga vinyu vavura kumanya. Weneyeyo namutumikiri avanyasaye vandi mbasu na vudiku, kandi sinambeku ni zimbavasi kumunyi mba.’ ”

Jeremia 22:27

Mulakegombe kwirana mukivala yiki, navuzwa si mulakakelole kandi mba.”

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Jeremia 29:2

Ndaang'oda Ibarwa yiyi inyima wu mwami Jehoyakini na mama weve, harara na avanene vi inyumba yu vwami, aviimiliri vi Ivuyuda kandi Jerusalemi, avasiza na avaturi vaali nivahiliywi mu vuhambe mu Babiloni.

Jeremia 44:14

Sialakaveho nu mundu kali nulala ku avandu vaatigara Ivuyuda kandi avaazia komenya Egebeti ulihononoka anoho ulihona mba. Sialakaveho nu mundu kali mulala kuvo ulirana nitali vataveeye vakekeeke ku avahaalirayo.”