Jeremia 22:24 - KITABU KITAKATIFU

²⁴ Yahova yavolera mwami Jehoyakini mwana wa mwami Jehoyakimu umwami wi Ivuyuda, “Ligali kuli inze mbeeye Nyasaye omenya, kali niiva wakaveeye kuli imingiri yu muhuri ku mukono gwange mulungi, ndaakakusiluli kutura ku inzi

Jeremia 22:24 Iomraidhean Croise

2 Avami 24:12

na mwami Jehoyakini, harara na mama weve, avayaayi veve, avanene veve, na vanene vi inyumba yu vwami, vihaana aveene ku vandu va Babiloni. Mu muhiga gwa munane gwi liamiiha lia Nebukadineza yaahira Jehoyakini mu vuhambe

2 Avami 24:15

Nebukadineza yaahira Jehoyakini mu Babiloni kuli umuhambe, harara na mama weve, vakali veve, vanene veve na vasaza vimiliri vosi vi Ivuyuda.

1 Kyetsinyinga 3:16

Jehoyakimu yaali na avayaayi vaviri: Jehoyakini, na Zedekia.

2 Kyetsinyinga 36:9

Jehoyakini yaali ni mihiga 18 lwa yaatanga kwamiiha kuli mwami wi Ivuyuda, na yamiha mu Jerusalemi ku mieli 3 na madiku 10. Mu madiku gi liamiiha lilie, yakola uvwoni imbiri wa Yahova, kuli baba weve yakola.

Lwimbu lwa Solomoni 8:6

Mwoyo gugwo gutava ku muyanze wundi mba nitali inzi. Utagumira muyanze wundi mba nitali inzi; vuyanzi voveeye ne zinguru kuli likuza. Vovereri voveeye ni zinguru kuli kilindwa.

Isaya 49:16

O, munyi avandu va Jerusalemi, sinyala kumwivirira kali hakuzu mba! Mali kong'oda amita ginyu ku vigalo via makono gange.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Jeremia 22:28

Inzi ndaavoora “Mwami Jehoyakini amali kugwa kuli kiju kimali kwadika, ikisiuviywi ihale kandi mundu siachenyi mba? Yiki nicho chagira oyo harara na avana veve nivahilwa mu lihaminywa mukivala cha vatamanyi kindu choosi?”

Jeremia 22:6

“Inyumba yu vwami yi Ivuyuda eveeye indahi ligali ku inzi kuli kivala cha Gileadi, kandi kuli vigulu via Lebanoni; navuzwa ndagekola eve kuli changalangwi, havundu ha avandu vatamenya mba.

Jeremia 24:1

Yahova yamanyia vihinda viviri via Makuyu ni viviikiywi imbiri wi Litembeli. Yaga gaali lwu mwami Nebukadineza wa Babiloni yaali ni yakahila mwami Jehoyakini wi Ivuyuda, mwana wa Jehoyakimu kuli umuhambe kutura Jerusalemi kuzia Babiloni, harara na aviimiliri vi Ivuyuda, na avasiza kandi avaturi vi miyinzi.

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Jeremia 29:2

Ndaang'oda Ibarwa yiyi inyima wu mwami Jehoyakini na mama weve, harara na avanene vi inyumba yu vwami, aviimiliri vi Ivuyuda kandi Jerusalemi, avasiza na avaturi vaali nivahiliywi mu vuhambe mu Babiloni.

Jeremia 37:1

Mwami Nebukadineza wa Babiloni yakola Zedekia mwana wa Josia kuva mwami wi Ivuyuda mu vogono vwa Jehoyakini mwana wa Jehoyakimu.

Haggai 2:23

Lidiku liene yilio ndakakuvuguli ivi Zerubabeli mutumikiri wange, kandi ndakakotovole kwamiiha mu lieta liange. Ivi niye wamali kotovola.” Yahova Wuvunyali umali kovora.