Jeremia 22:22 - KITABU KITAKATIFU

²² Imbuza ilahuuza avayi vinyu, avalina vinyu valahirwa kuli avahambe vi liihi, na lidaala lienyu linene lilava mu zisoni kigira uvwoni vwosi vwa mumali kokora.

Jeremia 22:22 Iomraidhean Croise

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Jeremia 10:21

Ndaativura, “Aviimiliri viitu vaveeye avasiru; sivateeva Yahova aviimiliri mba. Yiki nicho kigira vavura kugasizwa, kandi avandu viitu vamali kusalanywa.

Jeremia 12:10

Avami vanyingi vageni vamali kwononyia mulimi gwi kizabibu change; vamali kuduvaganyia imilimi giange; vagirung'anyia kivala change chandayaanza kugwa changalangwi.

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 2:37

Mulagirung'ana kutura ku avandu va Egebeti nimufumi makono mu zimoni zienyu kigira zisoni. Inzi Yahova, mali kusuura yavo avamusuuviraa muvo; kandi si valamukonya mba.”

Jeremia 2:8

Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 4:30

Avandu va Jerusalemi, mwadiva! Kigira ki mwivika zinguvu zinzakanyu? Kigira ki mwisiaha viukwisiaha viizahabu nukuvaka mu zimoni zienyu? Mwekora munyi aveene kuva avalahi vugira kindu! Avanyasaye vinyu vamusuuri kandi venya kumwita.

Jeremia 5:13

Avaporofeti vaveeye vuzwa kuli imbuza; Likuva lia Yahova si liveeye muvo mba. Na ndio yaga galakoleka kuvo.

Jeremia 7:19

Navuzwa inzi niyee wavasinyikizaa? Awa, visinyikizaa aveene kandi vivikaa aveene muzisoni.

Hosea 12:1

Vuli kindu cha avandu va Isiraeli vakoola kutura mugamba zuri kuduuka vudiku, keveeye icha vuzwa kandi ichilidiviza. Vugadi kandi vikolwa viekirage viameedeka muvo. Valomba malagano navandu va Asiria kandi vahiraa maguta gimizeituni mu Egebeti.”

Hosea 13:15

Kali niiva avandu va Isiraeli valazizagilira kuviruka kuli indiva, ndatuma imbuza yikivi kutura Ivugwi mu changalangwe, na iluminya visenukiru via mazi kandi vidaho viavo. Ilatulizaho ivindu viavo viosi viuvuguli.

Hosea 4:19

Valagingwa nu kuhilwa ihale kuli imbuza, kandi valava muzisoni kigira visiuviliru viavo virifananyi.

Zekaria 11:17

O, vayaayi, kilaamo keveeye ku mwayi utinyalizaa umali koleka chayo chiche! Uvulwani vulakadivizi zinguru zizie ziosi. Mukono gwigwe gulakuumi, kandi emoni yeeye inungi ilakavakuli.”

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.