Jeremia 22:15 - KITABU KITAKATIFU

¹⁵ Gene yago, uyu kuva mwami mulahi ligali niiva alumbaka zinyumba zie misaala ji midaragwa zindahi ligali kuvita zia avandu vandi? Baba weve yaali ni limenya lilahi. Yaali wi likalaga lirungi kandi mulungi kazozo, kandi yagasizwa mu vindu viosi via yakola.

Jeremia 22:15 Iomraidhean Croise

2 Samweli 8:15

Daudi yamiha ku Isiraeli yoosi nalora ndi avandu veve vakolerwa malungi kazozo.

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

2 Avami 23:25

Sihaaliho nu mwami wundi kuli Josia ku maziambiri, watumikira Yahova nu mwoyo gwigwe gwosi, ni zing'anagani zizie ziosi, kandi ni zinguru zizie ziosi, kandi kuhulira Lilaga liosi lia Musa; sihaava ho nu mwami kuli uyu maziambiri mba.

1 Kyetsinyinga 3:15

Josia yaali na vayaayi vane: Johanani, Jehoyakimu, Zedekia na Shalumu.

2 Kyetsinyinga 34:2

Yakola agaali amalungi imbiri wa Yahova, kandi yalonda liiva liaguuga weve Daudi, naatia malago ga Yahova ligali.

2 Kyetsinyinga 35:22

Navuzwa mwami Josia yaali nasaviiyi kulwaana mwami Neko. Mwami Josia siyenya kuhulira ga Nyasaye yavoola kuye kuvitira ku mwami Neko. Maku mwami Josia yigilung'anyia navula kuva mu liiva liu mwami, natura kuzia mu vulwani mu kereremo cha Megido.

2 Kyetsinyinga 35:26

Vindu vindi viosi, via Josia yakola, Lisigamira lilie ku Yahova, lihulira lilie lia malago,

Tsing'ano 20:28

Umwami alazizagilira kuva mwami niiva uvwamihi vwivwe vulava vwagiligali, vwuvulungi kandi uvuduukanaa.

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Tsing'ano 25:5

Suunda ihale avigizi vadamanu, ihale kutura kumwami na vwamihi vwivwe vulamanyikana kigira vulungi.

Tsing'ano 29:4

Lwu Mwami aveeye nilikalaga lirungi, kivala chiche kevezaa ni zinguru, navuzwa lwaveeye ni lienya na mabese vuzwa aladiviza kivala chiche.

Tsing'ano 31:9

Uvamolomere ma ove mukalagi wa giligali. Ukingi lienya lia vadaka harara na vatinyaliza.”

Kohelethu 10:17

Kivala kiveeye ni ingavi niiva keveeye nu mwami welomberaa zing'anagani zizie, kandi niiva avamihi valiza ku ing'inga idukanaa, avilindaa kandi vatahambikaa mba.

Kohelethu 2:24

Kindu kilahi ligali chu mundu anyala kokora mu kivala nukulia kandi kunwa, nukusangalira viosi viamali konyoora mu liyinzira vudinyu. Navuzwa ndaalora ndi vindu yivi viosi vituraa ku Nyasaye.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Isaya 33:16

Maku ulava ni mirembe ivi ulava mulilinda kuli umundu oveeye mu zimbinga zie zinguru. Ulava ni viukulia kandi amazi gukunwa.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 22:18

Kunangwa, Yahova avoora yaga kigira Jehoyakimu mwana wa Josia mwami wi Ivuyuda, “Mundu kali mulala si alalila kigira likuza lilie anoho sialavoola, ‘nagukutiihiza mulina wange, nagukutiihiza!’ Mundu kali mulala si alasioma kigira likuza liile anoho sialalira nokovoora ‘O, munene wange! Umwami wange!’

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 42:6

Kali gave amalahi ku kunyi anoho amadamanu, kulatia Yahova Nyasaye wiitu, uwa kunyi kokoteeva ukusaaliri kuye. Goosi galava malahi niiva kulatia Yahova.”

Jeremia 7:5

“Mugirung'anyie liiva lie limenya lienyu, kandi muleke vikolwa vienyu vidamanu muhaane likalaga liveeye lirungi ku mundu mulala nu wache.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

1 Vakorintho 10:31

Kunangwa, ni muva ni mulia, anoho nimunwa anoho choosi cha mukora, mukore vindu yivi viosi ku likuminya Nyasaye.

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”