Jeremia 22:13 - KITABU KITAKATIFU

¹³ O, vayaayi, kivi keveeye ku mundu wumbakaa inyumba yeeye ni likalaga litaveeye lirungi, kandi wumbakanga kuyo zigorofa uvusuuvirifu. Mundu oyo akolaa avandu kuyinzira vugira kumuha amadanyi kandi si avaheezaa mitungu jaavo mba.

Jeremia 22:13 Iomraidhean Croise

2 Kyetsinyinga 36:4

Mwami Neko yavika Eliakimu amwavo weve kuva mwami wi Ivuyuda, ma nagirung'anyia lieta lilie kuva Jehoyakimu. Mwami Neko yaahira Jehoahazi mu Egebeti.

2 Kyetsinyinga 36:5

Jehoyakimu yaali ni mihiga 25 lwa yaatanga kwamiiha kuli mwami wi Ivuyuda. Yamiha mu Jerusalemi ku mihiga 11. Yakola uvwoni imbiri wa Yahova Nyasaye weve.

Ayubu 31:39

niiva mali kulia viukulia viatagwa mu, vugira kutunga mitungu javio nokokola avalimi vene milimi yijo vakuzi ni inzara,

Isaya 5:8

O, vayaayi kivi keveeye ku munyi! Kigira mumali kugura zinyumba zinyingi kandi milimi komeeda ku vindu via muveeye navio. Nonoho si halavaho nahavundu humundu wundi amenyaa mba, kandi munyi veng'ine mulamenya mu kivala yiki.

Jeremia 17:11

Mundu anyoora uvutugi munzira itaveeye isuuvirifu, aveeye kuli ilinyonyi ligoneraa amavuyu agaliavula kotera. Hagati hi limenya lilie alagotiza uvutugi vwivwe, kandi mu keheri chi limenya lilie alava vuzwa kandi umusiru.

Jeremia 22:18

Kunangwa, Yahova avoora yaga kigira Jehoyakimu mwana wa Josia mwami wi Ivuyuda, “Mundu kali mulala si alalila kigira likuza lilie anoho sialavoola, ‘nagukutiihiza mulina wange, nagukutiihiza!’ Mundu kali mulala si alasioma kigira likuza liile anoho sialalira nokovoora ‘O, munene wange! Umwami wange!’

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Mika 3:10

Mwumbakaa lidaala liene lia Nyasaye, Jerusalemi, ku muse gwu uvulumindi kandi ugutali nilikalaga liu vulungi.

Habakuk 2:12

O, vayaayi munyi mwalaamwa kigira mwanyoola lidaala linene mulitahiza masahi, kandi mumali ku liumbaka mu vulumindi.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Kwidzulitsa 15:13

Lwa mumuvoholola atule ku munyi mutaleka azie makono ameere mba.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.