Jeremia 22:10 - KITABU KITAKATIFU

¹⁰ Avandu vi Ivuyuda, mutalira kigira mwami Josia mba, kandi mutasioma kigira likuza lilie mba. Navuzwa muliri vululu ligali kigira Joahazi mwana weve. Vamuvugura nu kumuhila mukivala chi ihale, si alirana kandi mba, sialalola kivala chiche cha yiivulwa mu kandi mba.

Jeremia 22:10 Iomraidhean Croise

2 Avami 22:20

na amaduywa ga nzizaa koleta ku Jerusalemi galaduukizwa vuzwa inyima wi likuza liilio. Ndaleka ivi ukuzi mu mirembe.” Avasaza yavo virana ku mwami Josia na makuva yago.

2 Avami 23:29

Lwa Josia yaali mwami, mwami Neko wa Egebeti yimilira liihi kuduuka ku mugera gwa Efurate kuzia kokoonya mwami wa Asiria kulwaana. Lwu mwami Josia yageriza kwigalira liihe lia vandu va Egebeti ha Megido, yamanya ni yitirwa mu vulwani.

2 Kyetsinyinga 36:4

Mwami Neko yavika Eliakimu amwavo weve kuva mwami wi Ivuyuda, ma nagirung'anyia lieta lilie kuva Jehoyakimu. Mwami Neko yaahira Jehoahazi mu Egebeti.

Kohelethu 4:2

Ndaaganagana ndi, avandu vaakuza vaveeye vulahi ligali kuvita yavo avakikiri mwoyo.

Isaya 57:1

Avandu valahi vakuza kandi siaveeyeho kali uvahenderaa mwoyo mba. Navuzwa lwavakuzaa, kivi sikinyala kuvasaliriza mba.

Jeremia 16:7

Siaveeyeho kali mulala ulakarii chukulia anoho ulinywa iwaini harara naye anoho ulakamuleminyi mwoyo lwumuyanze weve akuza mba, si aveeyeho mulala ulaka muvererere mba, kali ku oyo umali kogotiza baba weve anoho mama weve.

Jeremia 22:11

Yahova avoora yaga kigira Joahazi mwana wa Josia, uwamiha kuli mwami wi Ivuyuda muvogono vwa baba weve, “Umali kuzia ihale kutura hano, sialirana kandi mba.

Jeremia 22:18

Kunangwa, Yahova avoora yaga kigira Jehoyakimu mwana wa Josia mwami wi Ivuyuda, “Mundu kali mulala si alalila kigira likuza lilie anoho sialavoola, ‘nagukutiihiza mulina wange, nagukutiihiza!’ Mundu kali mulala si alasioma kigira likuza liile anoho sialalira nokovoora ‘O, munene wange! Umwami wange!’

Jeremia 22:27

Mulakegombe kwirana mukivala yiki, navuzwa si mulakakelole kandi mba.”

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 44:14

Sialakaveho nu mundu kali nulala ku avandu vaatigara Ivuyuda kandi avaazia komenya Egebeti ulihononoka anoho ulihona mba. Sialakaveho nu mundu kali mulala kuvo ulirana nitali vataveeye vakekeeke ku avahaalirayo.”

Lisyoma lya Jeremia 4:9

Yavo aviitirwa mu vulwani vaali vulahi ligali kuvita yavo avakuza kigira inzara; vaang'aha kandi nivakuza kigira si vaali ni viukulia kutura mu mulimi mba.

Ezekieli 24:16

Yavoola, “Mwana wu Mundu, ndakuya kandi nziti mukali woovo muyanze. Siulalira anoho siulasioma mba, anoho maliga si galituruka mba.

Luka 23:28

Yeso yagirung'ana navavoolera, “Avakaana va Jerusalemi! Mutandilira mba, navuzwa mwiliriri aveene harara na avana vinyu.