Jeremia 21:9 - KITABU KITAKATIFU

⁹ Umundu woosi ulitigala mu lidaala nayitilwi mu vulwani, anoho aliitwa ninzara anaho nuvulwaye. Navuzwa kuwosi ulitula ichova niyihaana ha vandu va Babiloni, avingiliraa lidaala, sialitwa mba; alahononokiza livamwoyo lilie.

Jeremia 21:9 Iomraidhean Croise

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 27:11

Navuzwa niiva ihiiri yoosi ilatia nu kwegehiza imbiri wu mwami wa Babiloni, kandi kumutumikira, maku ndavavugilira vamenye mukivala chavo aveene, kandi valimi milimi jaavo. Inzi Yahova mali kovora.”

Jeremia 27:12

Ndaavora makuva malala mere ku Zedekia mwami wi Ivuyuda, “Wegehizi ku mwami wa Babiloni. Umutumikiri harara na avandu veve, na mulamenya.

Jeremia 27:13

Kigira ki munyi harara na avandu vovo mwitwi muvulwani anoho ninzara enene ligali anoho nu vulwaye? Yaga nigo aga Yahova amali kovora galakoleka ku ihiiri yoosi ivuulaa kwegehiza imbiri wu mwami wa Babiloni.

Jeremia 38:2

aga Yahova yaali navooye, “Oyo amenyaa mu lidaala yili, aliitwa ni liihi, inzara anoho vulwaye. Navuzwa yavo avaazia kwihana ku avandu va Babiloni si valitwa mba. Valahononoka mu likuza na valava mwoyo.”

Jeremia 38:3

Kandi ndavavolera ndi Yahova yaali navooye, “Ndahaana lidaala yili kuzinguru zie liihi lia Babiloni, na valaligumira.”

Jeremia 39:18

Inzi ligali ndakohonyia, kandi si uliitwa mba. Ivi ulahononoka kutura mu likuza, kigira umali kusuuvira inzi. Inzi Yahova, mali kovora.”

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.